અમેરિકન બુટિક ઇન્વેસ્ટમેન્ટ ફર્મ GQG પાર્ટનર્સએ અદાણી ગ્રૂપની ચાર કંપનીઓમાં રૂ. 15,446 કરોડનું રોકાણ કર્યું છે. આ સાથે જ શેરમાં તેજી જોવા મળી હતી.
હિંડનબર્ગના રિપોર્ટ પછી અદાણી ગ્રુપમાં આ પહેલું રોકાણ
માર્કેટ કેપિટલાઇઝેશન (Mcap)માં રૂ. 1.73 લાખ કરોડનો વધારો નોંધાયો
હાલ શેરમાં ભાવમાં જોવા મળ્યો વધારો
હિંડનબર્ગના રિપોર્ટ બાદ અદાણી ગ્રૂપની કંપની શેરને ફટકો પડ્યો હતો હાલ તે રિકવર થતો જોવા મળી રહ્યો છે. જણાવી દઈએ કે છેલ્લા ચાર સેશનમાં અદાણી ગ્રુપની લિસ્ટેડ 10 કંપનીઓના માર્કેટ કેપિટલાઇઝેશન (Mcap)માં રૂ. 1.73 લાખ કરોડનો વધારો નોંધાયો છે. આ સાથે જ અમેરિકન બુટિક ઇન્વેસ્ટમેન્ટ ફર્મ GQG પાર્ટનર્સએ અદાણી ગ્રૂપની ચાર કંપનીઓમાં રૂ. 15,446 કરોડનું રોકાણ કર્યું છે. આ સાથે જ શેરમાં તેજી જોવા મળી હતી. જણાવી દઈએ કે 24 જાન્યુઆરી 2023ના રોજ આવેલા અમેરિકન ફર્મ હિંડનબર્ગના રિપોર્ટ પછી અદાણી ગ્રુપમાં આ પહેલું રોકાણ હતું.
માર્કેટ કેપિટલાઇઝેશનમાં થયો વધારો
નોંધનીય છે કે 27 ફેબ્રુઆરીના રોજ અદાણી જૂથની કંપનીઓની માર્કેટ મૂડી રૂ. 6.82 લાખ કરોડ હતી જે 3 માર્ચે વધીને 8.55 લાખ કરોડ રૂપિયા થઈ ગઈ હતી. માર્કેટ કેપિટલાઇઝેશનમાં ભલે વધારો આવ્યો છે પણ અદાણી ગ્રૂપની કંપનીઓની પહેલા રૂ. 19.20 લાખ કરોડની માર્કેટ મૂડી કરતાં હાલની મૂડી ઘણી ઓછી છે. હિંડનબર્ગના અહેવાલ બાદ માર્કેટ મૂડીમાં ભારે ઘટાડો જોવા મળ્યો હતો.
હાલ શેરમાં ભાવમાં જોવા મળ્યો વધારો
છેલ્લા ચાર સેશનમાં અદાણી એન્ટરપ્રાઇઝ લિમિટેડના શેરમાં સૌથી મોટો ઉછાળો જોવા મળ્યો છે. જણાવી દઈએ કે 27 ફેબ્રુઆરીએ શેર 57.37 ટકા વધીને રૂ. 1,879.35 પર બંધ થયો હતો. 27 ફેબ્રુઆરીએ શરૂઆતમાં આ શેર રૂ. 1,194.20 પર હતો. આ પછી અદાણી પોર્ટ્સ અને સ્પેશિયલ ઈકોનોમિક ઝોન 21.77 ટકા, અદાણી વિલ્મર 21.53 ટકા, અદાણી ગ્રીન એનર્જી 21.53 ટકા, અદાણી પાવર 21.47 ટકા અને એનડીટીવી 21.47 ટકા વધ્યો હતો. અંબુજા સિમેન્ટ્સ, એસીસી, અદાણી ટ્રાન્સમિશન અને અદાણી ટોટલ ગેસ પણ આ સમયગાળા દરમિયાન 9 ટકા અને 19 ટકા વચ્ચે વધ્યા હતા.
GQG પાર્ટનર્સનું રોકાણ
જણાવી દઈએ કે GQG પાર્ટનર્સ અદાણી એન્ટરપ્રાઈઝમાં 3.4 ટકા હિસ્સા માટે આશરે રૂ. 5,460 કરોડ, અદાણી પોર્ટ્સમાં 4.1 ટકા હિસ્સા માટે રૂ. 5,282 કરોડ, અદાણી ટ્રાન્સમિશનમાં 2.5 ટકા હિસ્સા માટે રૂ. 1,898 કરોડ અને અદાણી માટે ગ્રીનમાં 3.5 ટકા હિસ્સા માટે રૂ. 2,806 કરોડનું રોકાણ કર્યું છે.