બિઝનેસ / નવા વર્ષમાં અદાણી ગ્રૂપનું નવું સાહસ, આ ટાર્ગેટ પૂરો કરવા માટે કરશે 70 અબજ ડોલર્સનું જંગી રોકાણ

• ગૌતમ અદાણી વધુ એક ક્ષેત્રમાં મારશે એન્ટ્રી 
• 70 અબજ ડોલરનું જંગી મૂડીરોકાણ
• વિશ્વની સૌથી મોટી ગ્રીન એનર્જી કંપની બનવાનો લક્ષ્યાંક

70 અબજ ડોલરનું જંગી મૂડીરોકાણ

એશિયનાં બીજા ક્રમના સૌથી ધનિક વ્યક્તિ ગૌતમ અદાણીએ હવે વધુ એક ક્ષેત્રે ઝંપલાવ્યું છે. તેમણે 70 અબજ ડોલરનું જંગી મૂડીરોકાણ ગ્રીન એનર્જી ક્ષેત્રે કરવાની જાહેરાત કરી છે. 

અદાણી ગ્રુપે ગ્રીન એનર્જી પર ધ્યાન કેન્દ્રિત કરવા માટે ANIL નામની પેટાકંપની બનાવી છે. અને હવે ગૌતમ અદાણીને ગ્રીન એનર્જી સેક્ટરમાં પોતાનું પ્રભુત્વ જમાવવામાં ANILની મદદ મળવા જઈ રહી છે. 

વિશ્વની સૌથી મોટી ગ્રીન એનર્જી કંપની બનવાનો લક્ષ્યાંક

અત્રે ઉલ્લેખનીય છે કે અદાણી ગ્રુપ વિશ્વની સૌથી મોટી ગ્રીન એનર્જી કંપની બનવાનો લક્ષ્યાંક ધરાવે છે. આ ઉપરાંત કંપનીનો લક્ષ્ય સૌથી સસ્તા હાઈડ્રોજનનું નિર્માણ કરવાનો પણ છે. 

ગયા વર્ષે અદાણી ગ્રુપે કહ્યું હતું કે ન્યૂ એનર્જી સેક્ટર પર એક દાયકામાં 70 અબજ ડોલરનું જંગી મૂડીરોકાણ કરવામાં આવશે. 

અદાણી ગ્રીન એનર્જી લિમિટેડ અગાઉથી જ વિશ્વની સૌથી મોટી સોલર એનર્જી ડેવલપર કંપની છે. વર્ષ 2030 સુધીમાં અદાણી ગ્રીન એનર્જી 45 ગીગાવોટ ગ્રીન એનર્જીની ક્ષમતા હાંસલ કરવાનો લક્ષ્યાંક ધરાવે છે.

અદાણી ન્યૂ ઈન્ડસ્ટ્રીઝ લિમિટેડ-નવી કંપની 

ઉલ્લેખનીય છે કે અદાણી ગ્રુપના વડપણ હેઠળ કંપની અદાણી એન્ટરપ્રાઈઝીસ લિમિટેડે આપેલી માહિતી પ્રમાણે, ગ્રુપ દ્વારા અદાણી ન્યૂ ઈન્ડસ્ટ્રીઝ લિમિટેડ (Adani New Industries Ltd) નામથી નવી કંપની બનાવવા જઈ રહી છે, જે 100 ટકામાલિકીની પેટાકંપની છે. આ નવી કંપની ગ્રીન હાઈડ્રોજન પ્રોજેક્ટ ઉપરાંત ઓછા પ્રમાણમાં કાર્બનનું ઉત્સર્જન કરનારી વીજળીના ઉત્પાદન તથા સૌર ઊર્જા ઉપકરણ, પવન ઊર્જા ટર્બાઈન, બેટરી વગેરેના નિર્માણ પર ધ્યાન આપશે. 

અદાણી ગ્રૂપની આ નવી કંપની ટૂંક સમયમાં જ એક્ટિવ થઈ જશે એવું માનવામાં આવી રહ્યું છે.