દુનિયાના બીજા અમીર ગૌતમ અદાણીએ ગ્રુપ દ્વારા ખરીદવામાં આવેલી બે મોટી કંપનીઓના 1 લાખ કરોડના શેર ગીરવે મૂક્યા હોવાનો ખુલાસો બ્લૂમબર્ગના રિપોર્ટમાં કરાયો છે.
દુનિયાના બીજા અમીર ગૌતમ અદાણી આવ્યાં ફરી ચર્ચામાં
બે મોટી કંપનીઓને ખરીદ્યાના અઠવાડિયામાં ગૌતમ અદાણીનું મોટું કામ
ACC અને અંબૂજા સિમેન્ટના 1 લાખ કરોડના શેર ગીરવે મૂક્યા
ડોઇશ બેંક એજીની હોંગકોંગ શાખામાં ગીરવે મૂક્યા શેર
બ્લૂમબર્ગ રિપોર્ટમાં કરાયો મોટો દાવો
દુનિયાના બીજા સૌથી અમીર ગૌતમ અદાણી ફરી વાર એક મોટા કામને લઈને ચર્ચામાં આવ્યાં છે. બ્લૂમબર્ગે પોતાના એક રિપોર્ટમાં જાણકારી આપતા જણાવ્યું છે કે ગૌતમ અદાણીએ તાજેતરમાં સમયમાં તેમના ગ્રુપ દ્વારા ખરીદવામાં આવેલી બે કંપનીઓ એસીસી લિમિટેડ અને અંબુજા સિમેન્ટ્સના 1 લાખ કરોડ રૂપિયાના શેર ડોઇશ બેંક એજીની હોંગકોંગની શાખામાં ગીરવે મૂક્યા છે.
ACC અને અંબૂજા સિમેન્ટના શેર ગીરવે મૂક્યા
ગૌતમ અદાણીએ તાજેતરમાં તેમના ગ્રુપ દ્વારા ખરીદવામાં આવેલી ACC અને અંબૂજા સિમેન્ટના 1 લાખ કરોડના શેર ગીરવે મૂક્યા છે.
કેમ મૂક્યા 1 લાખ કરોડના શેર ગીરવે
ગૌતમ અદાણી પોતાના બિઝનેસનો સતત વિસ્તાર કરી રહ્યાં છે અને બિઝનેસ વિસ્તરણના ભાગરુપે ગૌતમ અદાણીએ બે કંપનીઓના શેર ગીરવે મૂક્યા હોવાનું પણ રિપોર્ટમાં કહેવાયું છે.
ડોઇશ બેંક એજીની હોંગકોંગની શાખામાં શેર ગીરવે મૂક્યા
બ્લૂમબર્ગના રિપોર્ટ અનુસાર ડોઇશ બેંક એજીની હોંગકોંગની શાખાએ ભારતીય સ્ટોક એક્સચેન્જોને એક નોટિફિકેશન મોકલ્યું હતું. ફાઇલિંગમાં કહેવામાં આવ્યું છે કે, "એસીસી લિમિટેડનું લગભગ 57 ટકા શેરહોલ્ડિંગ, અંબુજા સિમેન્ટ્સનો લગભગ 63 ટકા હિસ્સો, જે બે કંપનીઓનો હિસ્સો ધરાવે છે, તે ચોક્કસ ધિરાણકર્તાઓ અને અન્ય નાણાકીય પક્ષો સુધી મર્યાદિત છે. ગૌતમ અદાણીએ ડોઇશ બેંક એજીની હોંગકોંગની શાખામાં બે કંપનીઓના 1 લાખ કરોડના શેર ગીરવે મૂક્યા છે.
નવા સેક્ટરના પગપેસારાની વચ્ચે અદાણીએ ગીરવે મૂક્યા શેર
આ શેર ગૌતમ અદાણીએ એવા સમયે ગીરવે મૂક્યા છે જ્યારે અદાણી ગ્રુપની તમામ કંપનીઓ સતત નવા સેક્ટરમાં એન્ટ્રી કરી રહી છે. તાજેતરના ક્ષેત્રોની વાત કરીએ તો તેમાં સિમેન્ટ, ગ્રીન એનર્જીથી માંડીને મીડિયા સેક્ટરનો સમાવેશ થાય છે. આ સમય દરમિયાન અદાણી ગ્રુપે પોતાની કેટલીક લિસ્ટેડ કંપનીઓમાં ગિરવે મુકાયેલા હિસ્સામાં થોડો ઘટાડો કરવા માટે આ પગલું ભર્યું છે.