કોન્ટ્રાક્ટ / અદાણીને મળી શકે 30,000 કરોડનો જેવરમાં બની રહેલા ઇન્ટરનેશનલ એરપોર્ટનો કોન્ટ્રાક્ટ

• અદાણી એન્ટરપ્રાઇઝ લિમિટેડને જેવર ઇન્ટરનેશનલ એરપોર્ટના નિર્માણ-સંચાલનનો કોન્ટ્રાક્ટ મળી શકે
• અંતિમ ચાર કંપનીઓમાં અદાણી ઉપરાંત ફેયરફેક્સ હોલ્ડિંગ્સ અને જીએમઆર ઇન્ફ્રાસ્ટ્રક્ચર સામેલ
• ફેબ્રુઆરીમાં ગૌતમ અદાણીની કંપની 6 સરકારી એરપોર્ટનું સંચાલન પ્રાપ્ત કરવામાં સફળ રહી છે

અંતિમ ચાર કંપનીઓમાં અદાણી ઉપરાંત ફેયરફેક્સ હોલ્ડિંગ્સ અને જીએમઆર ઇન્ફ્રાસ્ટ્રક્ચર પણ સામેલ છે. આ વર્ષે જ ફેબ્રુઆરીમાં ગૌતમ અદાણીની કંપની સરકાર તરફથી ખાનગીકરણ કરવામાં આવેલા 6 સરકારી એરપોર્ટનું સંચાલન પ્રાપ્ત કરવામાં સફળ રહી હતી. વર્તમાનમાં અદાણી ગ્રુપ, જીએમઆર અને જીવીકે સમૂહ બાદ એરપોર્ટનું સંચાલન કરનાર ત્રીજા સૌથી મોટા પ્રાઇવેટ એરપોર્ટ ઓપરેટર છે. 

આ ચાર કંપનીઓએ નોઇડા ઇન્ટરનેશનલ એરપોર્ટ લિમિટેડ (NIAL) ની તરફથી બિડીંગ પ્રોસેસ માટે નક્કી કરવામાં આવેલ ટેક્નિકલ અને ફાઇનાન્સિયલ શરતોને પૂર્ણ કરી છે. 

નોઇડા ઇન્ટરનેશનલ એરપોર્ટ કંપની લિમિટેડ તરફથી મુખ્ય શરત રાખવામાં આવી છે કે જે પણ કંપની પ્રતિ મુસાફર વધુ ફીની બોલી લગાવશે તેને જ જેવર એરપોર્ટના નિર્માણનો કોન્ટ્રાક્ટ મળશે. જેવર ઇન્ટરનેશનલ એરપોર્ટની ટેક્નિકલ બિડ ખુલ્યા બાદ પરિયોજના દેખરેખ અને ક્રિયાન્વયન સમિતિ (PMIC) ની મીટિંગ થશે.

તેમા NIALની તરફથી બિડમાં સામેલ કંપનીઓને બિડિંગ સાથે જોડાયેલી જાણકારી આપવામાં આવશે. તેમા બિડિંગ પ્રક્રિયામાં અંતિમ તબક્કામાં પહોંચનારી કંપનીઓને ડોક્યૂમેન્ટ સાથે જોડાયેલી ખામીઓ પૂર્ણ કરવાની તક આપવામાં આવી શકે છે.  

6 નવેમ્બરે ટેક્નિકલ બિડિંગ ખોલવામાં આવશે. તેમા કંપનીઓનો પાછલા કામનો અનુભવ અને સરેરાશ મુડીનું પણ આકલન કરવામાં આવશે. 29 નવેમ્બરે જેવર ઇન્ટરનેશનલ એરપોર્ટની ફાયનાન્સિયલ બિડ ખુલશે. તેમા એરપોર્ટના નિર્માણ અને સંચાલન માટે અંતિમ રૂપે કંપનીઓની પસંદગી કરવામાં આવશે.