બિઝનેસ / મહામારીમાં ગુજરાતની આ કંપનીને નુકસાનને બદલે નફો જ નફો, 8 મહિનામાં શૅર થઈ ગયો 10 ગણો

ખાસ કરીને માર્ચ મહિનામાં શેરબજારમાં કડાકો બોલાઈ ગયો હતો. માર્ચમાં શેરબજાર તેની ઉંચી સપાટીથી લગભગ 35 ટકા નીચે આવી ગયું હતું. પરંતુ આ કટોકટી દરમિયાન પણ એક શેરે તેના રોકાણકારોને ધનિક બનાવ્યા છે.

એક વર્ષમાં અદાણી ગ્રીન એનર્જીએ 10 ગણાથી વધુ રિટર્ન આપ્યું

અદાણી ગ્રીન એનર્જીના શેરને જોઈએ તો છેલ્લા એક વર્ષમાં તેમણે પાછું વળીને જોયું નથી. મંદી અને કોરોના સંકટ હોય, આ શેર દરરોજ નવી ઉંચાઈને સ્પર્શી ગયો છે. છેલ્લા એક વર્ષમાં અદાણી ગ્રીન એનર્જીએ 10 ગણાથી વધુ રિટર્ન આપ્યું છે.

8 મહિનામાં આશરે 900 ટકા રિટર્ન

છેલ્લા 8 મહિનામાં કોરોના સંકટની વચ્ચે, આ શેરમાં આશરે 900 ટકા રિટર્ન આપવામાં આવ્યું છે. છેલ્લા એક વર્ષમાં, 17 માર્ચ, 2020 ના રોજ, શેર 112.70 ની નીચી સપાટીએ ગયો. ત્યારથી અદાણી ગ્રીન એનર્જીના શેરમાં એકતરફી રેલી જોવા મળી છે. શેર 24 નવેમ્બર 2020 ના રોજ મહત્તમ 1220 રૂપિયા સુધી પહોંચ્યો હતો.

અદાણી ગ્રીન એનર્જીએ છેલ્લા એક વર્ષમાં જબરદસ્ત વળતર આપ્યું છે. જો કોઈએ 17 માર્ચ 2020ના રોજ અદાણી ગ્રીન એનર્જીના શેરમાં 1 લાખ રૂપિયાનું રોકાણ કર્યું હોત તો તે રોકાણ 24 નવેમ્બર 2020 ના રોજ વધીને 10 લાખ રૂપિયા થઈ ગયું હોત.

માર્કેટ કેપ વધીને રૂ. 1.72 લાખ કરોડ થઈ

અદભૂત તેજીને કારણે 8 ડિસેમ્બરે અદાણી ગ્રીન એનર્જીની માર્કેટ કેપ વધીને રૂ. 1.72 લાખ કરોડ થઈ છે. જૂન 2018ની તુલનામાં તેની વેલ્યુ લગભગ 40 ગણી વધી છે. તાજેતરમાં, અદાણી ગ્રીન એનર્જી લિમિટેડને મોટો કોન્ટ્રાક્ટ મળ્યો છે.

વિશ્વનો સૌથી મોટો સોલર પાવર પ્લાન્ટ બનાવવાનો કોન્ટ્રાક્ટ મળ્યો

તમને જણાવી દઈએ કે આ વર્ષે જૂનમાં અદાણી ગ્રીન એનર્જી લિમિટેડને વિશ્વનો સૌથી મોટો સોલર પાવર પ્લાન્ટ બનાવવાનો કોન્ટ્રાક્ટ મળ્યો હતો. આ અંતર્ગત ગૌતમ અદાણીની કંપની 8,000 મેગાવોટનો સોલર પાવર પ્લાન્ટ બનાવશે અને 2 હજાર મેગાવોટની ઘરેલું સોલર પેનલ ઉત્પાદન ક્ષમતા સ્થાપિત કરશે.

2030 સુધીમાં વિશ્વની સૌથી મોટી રિન્યુએબલ એનર્જી કંપની બનવા માંગે છે

અદાણી ગ્રીન 2030 સુધીમાં વિશ્વની સૌથી મોટી રિન્યુએબલ એનર્જી કંપની બનવા માંગે છે. હાલમાં તેની રિન્યુએબલ એનર્જી સ્થાપિત કરવાની ક્ષમતા 2.8 ગીગાવોટ છે. કંપની 2025 સુધીમાં આને 25 GW સુધી વધારવા માંગે છે.