પેટ્રોલિયમ એન્ડ નેચરલ ગેસ રેગ્યુલેટરી બોર્ડે અદાણી ગેસના એક પ્રોજક્ટને લઇને જાણકારી છૂપાવવા બદલ નોટિસ જાહેર કરી છે. કંપની પર સિટી ગેસ ડિસ્ટ્રીબ્યૂશન પ્રોજેક્ટની હરરાજીમાં કેટલાક અંગત ખુલાસાઓ નહીં કર્યા હોવાના આરોપ લગાવવામાં આવ્યા છે.
અદાણી ગ્રુપ સામે થઇ શકે કાર્યવાહી
નિયમના ઉલ્લંઘન બદલ લાગી શકે 400 કરોડનો દંડ
PNGRBએ ફટકારી નોટિસ
નોટિસમાં અદાણી ગેસ પર 400 કરોડનો દંડ અને લાઇસન્સ રદ્દ કરવાની વાત કરી છે. જો કંપની પર લાગેલ આરોપ સાચા સાબિત થશે તો આ પ્રકારની કાર્યવાહી કરવામાં આવી શકે છે.
PNGRB કરી શકે કાર્યવાહી
સીએનબીસી અવાજના અહેવાલ મુજબ, PNGRB એ આ નોટિસમાં લખવામાં આવ્યું છે કે, કંપનીએ કેટલીય જાણકારી બોર્ડથી છૂપાવી છે જે નિયમની વિરૂદ્ધ છે.
અદાણી ગેસના પ્રવક્તાએ આપ્યો જવાબ
આ નોટિસ મામલે અદાણી ગેસના પ્રવક્તાએ કહ્યું કે, અમે સંપૂર્ણ રીતે નિમયોનું ધ્યાન રાખ્યું છે અને માપદંડનોનું પાલન કરેલ છે. અદાણી ગેસ દ્વારા સંબંધિત પ્રોજેક્ટને લઇને અધિકારીઓને સૂચિત કર્યા હતા અને આ મામલે જરૂરી સુચનાઓ સાથે PNGRB ને વિધિવત જવાબ આપેલ છે.
પ્રવક્તાએ વધુમાં જણાવ્યું કે, તમામ સ્થળોએ અમારા પ્રાજેક્ટનું કામકાજ યુધ્ધના ધોરણે ચાલી રહ્યું છે અને PNGRB અને અન્ય સંબંધિત ઓથોરિટીઓનું સમર્થન પ્રાપ્ત કરવામાં આવ્યું છે.