મોંઘવારી / પેટ્રોલ ડીઝલ બાદ CNG ગેસમાં ઝીંકાતો ભાવ વધારો, અદાણીનો CNG ગેસ પ્રતિ કિલો હવે આટલા રૂપિયાનો પડશે

• CNG વાહનચાલકો માટે માઠા સમાચાર
• એક રૂપિયા નો અદાણી ગેસ માં વધારો 
• CNG વાહનચાલકોના ખિસ્સા પર વધૂ એક માર
• અદાણી ગેસમાં CNGના પ્રતિકિલોના 56.30 રૂપિયા થયા 

પેટ્રોલ-ડિઝલ બાદ હવે CNGના ભાવમાં વધારો કરાતા સામાન્ય જનતા ત્રાહિમામ પોકારી ઉઠી છે, જુદી જુદી CNG કંપનીઓએ  24 ઓગસ્ટ બાદ અત્યાર સુધીમાં CNGમાં સાબરમતી અને ગુજરાત ગેસે 2 રૂપિયાનો વધારો કરી નાખ્યો છે તો અદાણી ગેસે 1 રૂપિયાનો વધારો કર્યો છે . ગેસના ભાવ વધતા જનતા પરેશાન થઈ ઉઠી છે તો બીજી તરફ ધંધાદારી રીક્ષા ચાલકોને આ ભાવ વધારાથી મોટો ઝાટકો લાગ્યો છે. અદાણી ગેસએ CNGમાં પ્રતિ કિલો દીઠ  1 રૂપિયાનો ભાવ વધારો ઝીકયો છે. હવે અદાણી ગેસમાં CNGના પ્રતિકિલોના 56.30 રૂપિયા થયા છે.

અદાણી ગેસમાં ભાવ વધારો 
CNGના એક કિલોના ભાવમાં 1 રૂપિયાનો ભાવ કરવામાં આવ્યો છે આમ થોડા દિવસોમાં અત્યાર સુધીમાં CNGમાં જુદી જુદી કંપનીઓ દ્વારાઆ  1 થી 2 રૂપિયાનો વધારો કરવામાં આવ્યો છે, ભાવ વધારા બાદ પેટ્રોલ ડીઝલના ભાવથી દાઝેલી જનતાએ હવે બેવડો માર સહન કરવાનો વારો આવ્યો છે. જો વાત કરવામાં આવે તો અગાઉ અદાણી ગેસના એક કિલો CNGનો ભાવ 55.30 રૂપિયા હતા જે હવે ભાવ વધારો કરાતા 56.30 રૂપિયા જોવા મળી રહ્યો છે. 

કઈ કઈ ગેસ કંપનીએ ભાવ વધારો કર્યો

• 1 સાબરમતી ગેસ- 2 રૂપિયા
• 2 ગુજરાત ગેસ- 2 રૂપિયા
• 3 અદાણી ગેસ- 1 રૂપિયો

CNGના પ્રતિકિલોના 56.30 રૂપિયા થયા 
એક તરફ રાજ્યમાં કોરોના મહામારીને કારણે જનતા પર મોંઘવારીનો માર પડી રહ્યો છે ત્યારે આ પહેલા ગુજરાત ગેસ દ્વારા ઈન્ડસ્ટ્રીયલ ગેસ મોંઘો કરવામાં આવ્યા બાદ  વાહનોમાં વપરાતા સીએનજીમાં ભાવ વધારો કર્યો હતો. પેટ્રોલ ડીઝલ અને રાંધણગેસના ભાવ બાદ હવે CNGના ભાવમાં પણ વધારો કરવામાં આવતા CNG વાહનચાલક પર વધુ બોજ પડશે. ત્યારે હવે અદાણી ગેસએ પણ 1 રૂપિયાનો ભાવ વધારો કરાવાનો નિર્ણય લીધો છે જેનો રિક્ષા યુનિયનો વિરોધ કરી રહ્યા છે. પેટ્રોલ ડીઝલના વધતા ભાવોને લઈ સામાન્ય જનતા CNG તરફ વળી છે એવામાં CNGના ભાવોમાં વધારો કરવામાં આવતા મોંઘવારીનો બેવડો માર સહન કરવાનો વારો આવ્યો છે. 

રિક્ષા ચાલકોની ચિમકી: હડતાળ કરી 20 રૂપિયા જેટલું ભાડું વધારીશું 
CNG ગેસના ભાવ વધારામાં સૌથી વધુ નુકસાન રિક્ષા ચાલકોને પડે તેમ છે. અમદાવાદમાં CNGના ભાવમાં વધારો થતાં રિક્ષાચાલકો મેદાને આવી ગયા છે. રિક્ષા ચાલકોની ચિમકી ઉચ્ચારી છે કે  જો ભાવ નહીં ઘટાડે તો હડતાળ કરી વિરોધ કરવામાં આવશે અને જો માંગ ન સંતોષાય તો રિક્ષા ભાડામાં રૂ.20નો વધારો કરી દેવામાં આવશે. CNGના ભાવ વધતા રીક્ષા ચાલકોમાં રોષ જોવા મળી રહ્યો છે, રિક્ષા યુનિયન ભાવ ઘટાડાવાની માંગ કરી રહ્યું છે. ભૂખ હડતાળ,વિરોધ પ્રદર્શન કરવાની રિક્ષા ચાલકોએ વાત કરી છે. અદાણીએ CNGમાં 1 રૂપિયાનો વધારો કર્યો છે જ્યારે સાબરમતી અને ગુજરાત ગેસએ ભાવમાં 2 રૂપિયાનો વધારો કર્યો છે.