વાર-પલટવાર / હિંડનબર્ગ રિપોર્ટ પર અદાણીની પ્રથમ પ્રતિક્રિયા, SEBI ચીફના કનેક્શન અંગે કરી આ વાત

અમેરિકન શોર્ટ સેલર ફર્મ હિંડનબર્ગ ફરી એકવાર ચર્ચાઓમાં આવી ગઈ છે. હિંડનબર્ગ રિસર્ચે દાવો કર્યો છે કે વ્હિસલબ્લોઅર દસ્તાવેજોથી જાણવા મળ્યું છે કે અદાણી મની સાઇફનિંગ કૌભાંડમાં ઉપયોગમાં લેવાયેલી અસ્પષ્ટ ઑફશોર સંસ્થાઓમાં સેબીના ચેરમેનનો હિસ્સો હતો.

આ રિપોર્ટ બાદથી વિપક્ષ આ મુદ્દે સરકાર પર પ્રહારો કરી રહ્યો છે. દરમિયાન સેબીના અધ્યક્ષે હિંડનબર્ગના અહેવાલને ફગાવી દીધો છે અને હિંડનબર્ગ પર ગંભીર આરોપો લગાવ્યા છે. બીજી તરફ હવે અદાણી ગ્રુપે આ રિપોર્ટ પર પોતાની પહેલી પ્રતિક્રિયા આપી છે.

અદાણી ગ્રુપે હિંડનબર્ગના આરોપોને ફગાવી દીધા છે. આ બાબતે પ્રતિક્રિયા આપતા અદાણી જૂથે જણાવ્યું હતું કે, "હિંડનબર્ગ રિપોર્ટમાં દાવો કરવામાં આવ્યો છે તેમ સેબીના વડા માધાબી પુરી બુચ સાથે તેનો કોઈ કમર્શિયલ કનેક્શન નથી."

આ સાથે જ અદાણી ગ્રૂપે તેની સામેના આરોપોને પણ ફગાવી દીધા હતા અને કહ્યું હતું કે, "તે તેની કંપનીઓ પર લગાવવામાં આવેલા આરોપોને નકારી કાઢે છે અને ફરી કહે છે કે તેનું વિદેશી હોલ્ડિંગ માળખું સંપૂર્ણપણે પારદર્શક છે.'

વધુ વાંચો: 'ચરિત્રહનનની કોશિશ', હિંડનબર્ગના ધડાકા પર SEBI ચીફ બોલ્યા, આરોપોને ફગાવ્યાં

આ તરફ માધબી બુચે પણ કહ્યું છે કે"અમે જણાવવા માંગીએ છીએ કે અમે અમારા પર લગાવવામાં આવેલા પાયાવિહોણા આરોપોનું ખંડન કરીએ છીએ. અમારું જીવન અને અમારા નાણાકીય હિસાબ એક ખુલ્લી કિતાબની જેમ છે અને છેલ્લા કેટલાક વર્ષોમાં અમે સેબીને બધી જ જરૂરી માહિતી આપી દીધી છે.'

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ