રિન્યૂએબલ એનર્જી ક્ષેત્રમાં AGEL દેશની સૌથી મોટી કંપની બની
આ જોઈન્ટ વેન્ચર દેશના 11 રાજ્યોમાં 2.148 ગીગા વૉટની શક્તિ ધરાવતા સોલર પ્લાન્ટ્સ ઓપરેટ કરવાની સાથે રિન્યૂએબલ એનર્જી ક્ષેત્રમાં AGEL દેશની સૌથી મોટી કંપની બની છે.
અદાણી ગ્રુપે મીડિયા સાથેની વાતચીતમાં નિવેદન આપતા જણાવ્યું હતું કે આ ડીલ વડે બંને કંપનીઓ, પર્યાવરણની દ્રષ્ટિએ ભારતે નક્કી કરેલા સસ્ટેનેબલ ડેવલપમેન્ટના લક્ષ્યાંકોમાં પોતાનું યોગદાન આપવા ઈચ્છે છે. આ સંયુક્ત સાહસ દ્વારા બંને કંપનીઓ શ્રેષ્ઠ કહી શકાય એવા વહીવટ અને સંચાલનની મદદથી આ ભાગીદારીના પાયાને મજબૂત કરવા માંગે છે.
દુનિયાભરમાં અત્યારે ચાલી રહેલા અનિશ્ચિતતા અને અફરાતફરીના માહોલમાં પણ અત્યારે આ બંને કંપનીઓએ સફળતાપૂર્વક કરેલી ડીલ બંનેના મજબૂત સંબંધોનો પરિચય આપે છે અને પર્યાવરણ માટે બંને કંપનીઓની પ્રતિબદ્ધતા પર પ્રકાશ પાડે છે.
AGELએ 2025 સુધી સૌર ઉર્જા વડે તોતિંગ 25 ગીગા વૉટ ઉર્જા પેદા કરવાનો અઘરો લક્ષ્યાંક નિર્ધારિત કર્યો છે. તેણે 2025 સુધીમાં વિશ્વની સૌથી મોટી સોલર કંપની બનવાનો ધ્યેય રાખ્યો છે અને 2030 સુધીમાં રિન્યૂએબર એનર્જી ક્ષેત્રમાં વિશ્વની સૌથી મોટી કંપની બનવાનો ધ્યેય રાખ્યો છે.