એક તરફ પેટ્રોલ ડીઝલના ભાવ વધ્યા તો બીજી તરફ સીએનજીના ભાવ પહોંચ્યા આસમાને, અદાણીએ ફરી એકવાર કર્યો ભાવ વધારો
અદાણી CNGમાં 1 રૂપિયા પ્રતિકિલોનો વધારો
અદાણી CNGનો નવો ભાવ પ્રતિકિલો 82.59 રૂપિયા થયો
CNGના ભાવ વધતા વાહનચાલકો પરેશાન
મોંઘવારીએ તો ગૃહિણીઓની કમર ભાંગી નાંખી છે. રસોડામાં વપરાતી તમામ વસ્તુઆનો ભાવ આસમાને પહોંચ્યા છે ત્યારે હવે તો ઘરમાં રસોઇ કરવી પણ મોંઘી બની છે કારણ કે , દૂધ, તેલ, શાકભાજી, કઠોળ સહિતના તમામ ભાવમાં વઘારો થઇ રહ્યો છે.ગ્રાહકોને હવે દૈનિક વપરાશમાં લેવાતી વસ્તુઓ માટે ખિસ્સા વધારે ઢીલા કરવાનો વારો આવ્યો છે. ઘઉં, પામોલિન ઓયલ અને પેકેજીંગ ફુડ સહિતના સામાનના ભાવમાં ઉછાળાથી એફએમસીજી કંપનીઓએ પોતાના ઉત્પાદનની કિંમતોમાં વધારો કરી રહી છે. પેટ્રોલ ડીઝલના ભાવ વધતા જ તમામ ચીજ વસ્તુઓના ભાવ આસમાને પહોંચ્યા છે. બાકી રહી ગયુ હોય તેમ સીએનજીના ભાવ પણ આસમાને પહોંચ્યા છે. ત્યારે ફરી એકવાર અદાણી ગેસે સીએનજીમાં ભાવ વધાર્યો
અદાણી CNGએ વધાર્યા ભાવ
ફરી એકવાર સીએનજી વાહનચાલકોને મોટો ફટકો પડ્યો છે. પેટ્રોલ ડીઝલની જેમ સીએનજીના ભાવ સતત વધી રહ્યા છે. ત્યારે વધુ એકવાર અદાણીએ સીએનજીના ભાવમાં પ્રતિ કિલો દીઠ એક રુપિયાનો વધારો કર્યો છે. પરિણામે અદાણી CNGનો નવો ભાવ પ્રતિકિલો 82.59 રૂપિયા થયો છે. ભાવ વધારાને કારણે વાહનચાલકોએ ભાડામાં વધારો કરવાની ફરજ પડી છે તો બીજી તરફ ભાડા વધતા વિદ્યાર્થીઓના માતા પિતા ચિંતિત થયા છે.
1 એપ્રિલે અદાણી CNGએ વધાર્યા હતા ભાવ
1 એપ્રિલ એટલે કે નવા નાણાકીય વર્ષના પ્રથમ દિવસે મોટો ઝટકો લાગ્યો હતો. સીએનજી કિંમતમાં તોતિંગ વધારો કરી દેવામાં આવ્યો હતો. સીએનજીના ભાવમાં વધારો થતાં સીએનજી મહંત ચાલકોને ખિસ્સા ખાલી કરવાનો વારો આવ્યો છે પેટ્રોલ-ડીઝલ ની સાથે હવે અદાણી સીએનજી એ પણ રૂપિયા પાંચનો એક જ ઝાટકે વધારો કરી દેતાં વાહનચાલકો મુશ્કેલીમાં મુકાયા છે. અમદાવાદમાં અદાણી ગેસ તરફથી સીએનજીની કિંમતમાં એક સાથે 5 રૂપિયાનો વધારો થયો હતો.
રિક્ષાચાલકોએ નોંધાવ્યો હતો વિરોધ
વધતા પેટ્રોલ-ડીઝલના ભાવને કારણે મધ્યમવર્ગની કમર તૂટી ગઈ છે. પેટ્રોલ ડીઝલના મોંઘવારીના માર બચ્ચે જનતા પીડાઈ રહી છે. ઇંધણના ભાવ પર બ્રેક નહિ પણ ઘટાડાની માંગ ઊઠી છે. વાહનચાલકોએ ભાવ પર કાબુ લાવવા કરી સરકારને અપીલ કરી છે.સીએનજીના ભાવના કારણે વાહનચાલકો મુશ્કેલીમાં મુકાયા છે ત્યારે ઓટો રીક્ષા ડ્રાઈવર દ્વારા તેનો હવે પુરજોશથી વિરોધ કરવામાં આવ્યો હતો. તો બીજી તરફ નક્કી કરેલું ભાંડુ ન પોષતા તે હવે ઉચ્ચક ભાડું હવે પેસેન્જરો પાસેથી વસૂલી રહ્યા છે જેનો માર પણ સામાન્ય જનતા પર પડી રહ્યો છે. રેગ્યુલર ભાડામાં વધારો કરવા રિક્ષાચાલકોએ સરકાર પાસે માંગ કરી હતી.