અદાણી એન્ટરપ્રાઈઝિઝ લિમિટેડની તરફથી FPO ફૉલો ઓન પ્લબિલ ઑફર બહાર પાડવામાં આવી હતી જે ત્રીજા દિવસે સંપૂર્ણત: સબસ્ક્રાઈબ થઈ ગઈ છે. 20000 કરોડનાં FPO સોલ્ડ આઉટ.
અદાણીનાં FPO ત્રણ દિવસમાં સબસ્ક્રાઈબ
20000 કરોડ રૂપિયા સુધીનાં હતાં આ FPO
વિવિધ યોજનાઓ માટે ઉપયોગમાં લેવાશે આ પૈસા
અદાણી એન્ટરપ્રાઈઝ લિમિટેડની તરફથી ફોલો ઓન પબ્લિક ઓફર જાહેર કરવામાં આવી હતી જે ત્રીજાં અને છેલ્લા દિવસે સંપૂર્ણરીતે સબસ્ક્રાઈબ થઈ ગઈ છે. ત્રીજા દિવસે રોકાણકારોમાં અદાણી FPOને લઈને ક્રેઝ જોવા મળ્યો. ત્રીજા દિવસે પ્રથમ બંને દિવસોની તુલનામાં સૌથી સારો રિસ્પોન્સ જોવા મળ્યો હતો. આ ઈશ્યૂ અંતર્ગત 4.55 કરોડ શેરોની બિડિંગ થઈ રહી છે જેમાંથી અત્યાર સુધી 4.62 કરોડ શેરો માટેની બોલી લાગી ચૂકી છે.
ત્રણ દિવસમાં તમામ FPO સબસ્ક્રાઈબ્ડ
FPOનાં એંકર બુકની વાત કરીએ તો તે પણ સબસ્ક્રાઈબ થઈ ગઈ હતી. અદાણીનાં એફપીઓ 27 જાન્યુઆરીથી 31 જાન્યુઆરી 2023 સુધી સબ્સક્રિપ્શન માટે ઓપન થયાં હતાં. એફપીઓ અંતર્ગત કંપનીએ 3112થી 3276 રૂપિયા પ્રતિ શેર પ્રાઈઝ બેન્ડ નક્કી કર્યો હતો.
પહેલા દિવસે માત્ર 1% બોલીઓ
20000 કરોડ રૂપિયા સુધીનાં આ FPOને પહેલાં દિવસે માત્ર 1% બોલીઓ મળી હતી, બીજાં દિવસે માત્ર 3% એફપીઓ સબસ્ક્રાઈબ થયાં અને છેલ્લાં દિવસેઆ ઈશ્યૂ સંપૂર્ણપણે ભરાઈ ગયો.
ક્યાં થશે આ ફંડનો ઉપયોગ?
એફપીઓથી મળેલ 20000 કરોડ રૂપિયામાંથી 10,869 કરોડ રૂપિયાનો ઉપયોગ હરિત હાઈડ્રોજન પરિયોજનાઓમાં, હાલનાં એરપોર્ટનાં વિકાસમાં અને નવા એક્સપ્રેસ-વેનાં નિર્માણ માટે કરવામાં આવશે. આ સિવાય 4165 કરોડ રૂપિયાથી એરપોર્ટ, રોડ અને સોલાર પરિયોજના ક્ષેત્રમાં પેટાકંપનીઓ દ્વારા લેવામાં આવેલા દેવાને ચૂકવવામાં આવશે.
શું હોય છે FPO?
FPO- ફોલો ઓન પબ્લિક ઑફરની મદદથી કંપનીઓ પૈસા ભેગા કરે છે. જે પણ કંપની પહેલાથી જ સ્ટોક માર્કેટમાં લિસ્ટેડ હોય છે તે કંપની રોકાણકારો માટે નવા શેરર્સ જાહેર કરે છે. આ શેરર્સ બજારનાં શેરોથી ઘણાં અલગ હોય છે. તેમાં વધુ પડતાં સ્ટોક પ્રમોટર્સની મદદથી જાહેર કરવામાં આવે છે.