મેદસ્વિતા આજકાલ મોટાભાગે લોકોની સમસ્યા બની ગઇ છે. વજન ઊતારવા અથવા કંટ્રોલ કરવા માટે લોકો ડાઇટિંગ અને એક્સરસાઇઝનો સહારો લે છે પરંતુ જલ્દીથી બોર થઇને એને છોડી દે છે, જેનાથી વજન જલ્દીથી ઓછું થઇ શકતું નથી. એવામાં તમે એક્યૂપ્રેશર ટેકનીકની મદદથી ઝડપથી વજન ઊતારી શકો છો.
શું છે એક્યૂપ્રેશર વિધિ
એક્યૂપ્રેશર એક એવી જૂની ટેકનીક છે, જેમાં શરીરના કેટલાક પોઇન્ટ્સને દબાવીને વજન ઓછું કરી શકાય છે. વાસ્તવમાં શરીરના કેટલાક પોઇન્ટ્સને દબાવીને પાચન ક્રિયા મજબૂત અને ભૂખ કંટ્રોલ થાય છે, જેનાથી તમને વજન ઊતારવામાં મદદ મળે છે.
કેટલી વખત સુધી દબાવશો બોડી પોઇન્ટ્સ
એક્સપર્ટ પ્રમાણે દરરોજ 30 મીનિટ બોડી પોઇન્ટ્સ દબાવીને સારું પરિણામ જોવા મળે છે.
નાકનો પોઇન્ટ
એના માટે નાક અને અપર લિપ્સની વચ્ચેમાં દબાણ આપતા થોડું હળવાશથી દબાવો. આવું 5 7 વખત કરો. એનાથી મેટોબૉલિઝ્મ બૂસ્ટ થાય છે અને ચરબી ઝડપથી બર્ન થાય છે.
કોણીનો પોઇન્ટ્સ
આ પોઇન્ટ કોણીની જોઇન્ટની ક્રિઝથી એક ઇંચ દૂર આવેલો છે. એના માટે હાથને થોડો વાળીને આ પોઇન્ટને 2 થી 3 વખત અંગૂઠાથી એક મીનિટ સુધી દબાવો. એનાથી પાચન ક્રિયા સારી થશે અને વજન ઓછું કરવામાં મદદ મળશે.
કાનનો એક્યૂપ્રેશર પોઇન્ટ
મેદસ્વિતા ઓછી કરવા કાનના કાણાથી થોડું આગળ અને ગાલની નજીક તમારા અંગૂઠાથી દબાવો. એની ધીરે ધીરે ઉપર નીચે કરતાં લગભગ 3 મીનિટ સુધી દબાવો. દરરોજ આવું કરવાથી તમને વજન ઓછું કરવામાં મદદ મળશે.
પગનો પોઇન્ટ
પગના ઘૂંટણના હાડકાની પાછળ તરફ જ્યાં હાડકું પૂર્ણ થાય છે, ત્યાં પોતાની આંગળીની મદદથી સતત 1 મીનિટ સુધી દબાવો. એનાથી તમારું પાચનતંત્ર સારું થશે અને ભૂખ ખૂબ જ ઓછી લાગે છે. જેનાથી વજન ઘટાડવામાં મદદ મળે છે.
નાભિનો પોઇન્ટ
નાભિથી આશરે 3 સેમીની નીચે મોજૂદ પોઇન્ટને દબાવવાથી પાચન તંત્ર મજબૂત રહે છે અને ભૂખ પણ કંટ્રોલ રહે છે. એનાછી તમે ઓવરઇટિંગથી બચો છો અને વજનમાં કંટ્રોલ રહે છે.
હાથનો એક્યૂપ્રેશર પોઇન્ટ
આ પોઇન્ટ્સ દબાવવાથી તમારી મેદસ્વિતા ઝડપથી ઓછી થાય છે. એના માટે તમે બંને હથેળીઓમાં અંગૂઠાની પાસે વાળા ભાગ પર 2 મીનિટ સુધી પ્રેશર આપો. વજન ઓછું કરવા માટે ખૂબ જ ફાયદાકારક છે.