Jio વર્લ્ડ સેન્ટરમાં 'India in Fashion' નામની ઈવેન્ટમાં હોલીવુડથી લઈને બોલિવૂડ સુધીના તમામ સ્ટાર્સ જોવા મળ્યા હતા. હોલીવુડ સેલેબ્સ પણ ઇંડિયન લુકમાં જોવા મળ્યા હતા.
નીતા મુકેશ અંબાણી કલ્ચરલ સેન્ટર (NMACC)ના ઉદ્ઘાટન કાર્યક્રમમાં બીજા દિવસે પણ સ્ટાર્ટસનો મેળાવડો જોવા મળ્યો હતો. બીજા દિવસે મુંબઈના બાંદ્રા કુર્લા કોમ્પ્લેક્સમાં આવેલા Jio વર્લ્ડ સેન્ટરમાં 'India in Fashion' નામની ઈવેન્ટ હતી, જેમાં હોલીવુડથી લઈને બોલિવૂડ સુધીના તમામ સ્ટાર્સ જોવા મળ્યા હતા. આ સાથે જ 'સ્પાઈડર-મેન' ના સુપરહિટ કપલ ટોમ હોલેન્ડ અને ઝેન્ડાયાથી લઈને ગીગી હદીદ અને સ્પેનિશ અભિનેત્રી પેનેલોપ ક્રુઝ પણ ત્યાં જોવા મળ્યા હતા.
ખાસ વાત એ હતી કે આ હોલીવુડ સેલેબ્સ પણ ઇંડિયન લુકમાં જોવા મળ્યા હતા. ગીગી હદીદ અને ઝેન્ડાયા સાડી પહેરીને પંહોચી હત. ચાલો આ સ્ટાર્સના લુક પર એક નજર કરીએ..
ટોમ હોલેન્ડે કાળા સૂટબૂટમાં પાપારાઝી માટે પોઝ આપ્યો હતો, ત્યારે ઝેન્ડાયાએ ગોલ્ડન બ્લાઉઝ સાથે વાદળી સાડી પહેરી હતી. જો કે બંનેએ અલગ-અલગ એન્ટ્રી લીધી હતી.
બીજા દિવસે ઈવેન્ટમાં હાજરી આપ્યા બાદ ટોમ હોલેન્ડે તેના ઈન્સ્ટાગ્રામ એકાઉન્ટ પર ઘણી તસવીરો શેર કરી છે સાથે જ એમને ઈન્સ્ટાગ્રામ સ્ટોરીમાં ઉદ્યોગપતિ મુકેશ અંબાણી સાથેની તસવીર પણ શેર કરી છે. તસવીરમાં ટોમ હોલેન્ડ મુકેશ અંબાણી સાથે હાથ મિલાવતા જોવા મળે છે.
ઈન્સ્ટા પર પોતાની તસવીર શેર કરતા તેને અંબાણી પરિવારનો ઈવેન્ટમાં આમંત્રણ આપવા બદલ આભાર માન્યો હતો. તેણે લખ્યું, “નીતા મુકેશ અંબાણી કલ્ચરલ સેન્ટરના ઉદઘાટન માટે અમને આમંત્રણ આપવા બદલ અંબાણી પરિવારનો આભાર. હું આ અદ્ભુત અનુભવ ક્યારેય ભૂલીશ નહીં.