અરવલ્લીના ધનસુરામાં હનીટ્રેપ મામલે અભિનેત્રી યશ્વી પટેલે યુવક સામે ક્રોસ પોલીસ ફરિયાદ કરી ચૌકાવનાર આક્ષેપો કર્યા છે.
અરવલ્લીના ધનસુરામાં હનીટ્રેપ મામલે નવો વળાંક
યશ્વી પટેલે યુવક સામે કરી વળતી ફરીયાદ
અગાઉ ધનસુરાના યુવકે યશ્વી પટેલ સામે નોંધાવી હતી ફરિયાદ
અરવલ્લીના ધનસુરામાં હનીટ્રેપ પ્રકરણમાં નવો વળાંક આવ્યો છે. અગાઉ જિગ્નેશ પટેલ નામના યુવકે ગુજરાતી ગીતોના આલ્બમમાં કામ કરતી યશ્વી પટેલ સામે ફરિયાદ નોંધાવી હતી. જેમાં
અભિનેત્રી યશ્વી પટેલે તેને પ્રેમ જાળમાં ફસાવ્યો હોવાનો ઉલ્લેખ કર્યો હતો. આ મામલે અભિનેત્રી યશ્વી પટેલે વળતી ફરિયાદ કરતા ચકચાર મચી જવા પામી છે. યશ્વી પટેલે ફરિયાદમાં જણાવ્યુ કે ઉછીના પૈસા લીધા હતા. જે રૂપિયાની કડક ઉઘરાણી કરી યુવક બદનામ કરવાની ધમકી આપતો હોવાનો ઉલ્લેખ કરાયો છે.
અભિનેત્રી યશ્વી પટેલે 3 લોકો સામે નોંધાવી ફરિયાદ
ગીતોના આલ્બમમાં કામ કરતી યશ્વી પટેલે પ્રેમમાં ફસાવ્યાની અને 7 લાખ પડાવી લીધાના આક્ષેપ સાથે ધનસુરાના યુવક જિગ્નેશ પટેલે પોલીસ ફરિયાદ નોંધાવી હતી. આ મામલે નવો વળાંક આવ્યો છે, અભિનેત્રી યશ્વી પટેલે યુવક સહિત 3 લોકો સામે ધનસુરા પોલીસ મથકમાં ક્રોસ ફરિયાદ નોંધાવી છેં. આ ફરિયાદમાં જણાવ્યા અનુસાર યશ્વી પટેલે પોતાની માતાની સારવાર માટે રૂપીયા લીધા હોવાનો દાવો કર્યો છે. બીજી તરફ જિગ્નેશ પટેલ નામના યુવાને આપેલ રૂપિયાની યુવાન કડક ઉઘરાણી કરી રહ્યો છે. એટલું જ નહિ 3 આરોપીઓએ ત્રણ જ દિવસમાં પૈસા પરત કરવા ધમકી આપી હોવાની પણ રાવ ઉઠાવી છે.
યશ્વી પટેલને સોશિયલ મીડિયામાં બદનામ કરવાનો આક્ષેપ
આ યુવાનોએ રૂપિયાની કડક ઉઘરાણી ચાલુ રાખી યશ્વી પટેલને સોશિયલ મીડિયાના માધ્યમથી બદનામ કરવાની પણ ચીમકી આપી હોવાનો ફરિયાદમાં ઉલ્લેખ કરાયો હતો. આ સમગ્ર મામલે ધનસુરા પોલીસ સ્ટાફે અભિનેત્રી યશ્વી પટેલની ફરિયાદને લઈને ત્રણેય શખ્સો સામે ગુન્હો નોંધી હકીકતના મૂળ સુધી પહોંચવા તપાસના ચક્રો ગતિમાન કર્યા છે.