કોરોના વાયરસ અને લોકડાઉનને કારણે પ્રવાસી મજૂરો પર આભ તૂટી પડ્યું છે. તેમને અનેક મુશ્કેલીઓનો સામનો કરવો પડી રહ્યો છે. જેથી બોલિવૂડ સેલેબ્સ આ મજૂરોની મદદ માટે આગળ આવ્યા છે. સોનુ સૂદ, અમિતાભ બચ્ચન બાદ હવે અભિનેત્રી સ્વરા ભાસ્કર મજૂરોની મદદ કરી રહી છે.
સોનુ સૂદ અને બિગ બી બાદ હવે સ્વરા ભાસ્કર મજૂરોની મદદ માટે આગળ આવી
મજૂરોને ચપ્પલ વહેંચતી તસવીરો વાયરલ
સ્વરાના આ કામની લોકો પ્રસંશા કરી રહ્યાં છે
સ્વરા ભાસ્કરે મજૂરોને જૂતા-ચપ્પલ દાન કરતી તસવીરો સોશિયલ મીડિયા પર શેર કરી છે અને લખ્યું- પ્રવાસી મજૂરોની આ સ્થિતિ જોઈને દુખ થાય છે. લાખો મજૂરો પગપાળા ચાલીને કેટલાય કિમી મુસાફરી કરી રહ્યાં છે. તેમની પાસે જૂતા-ચપ્પલ પણ નથી હોતા. આ એવી હકીકત છે જેની સામે મોં ન ફેરવી શકાય. દિલ્હીના 500 મજૂરોને જૂતા ચપ્પલ પૂરા પાડવા માટે હું કંપનીનો આભાર માનું છું.
સ્વરાની વાયરલ તસવીરોમાં તે પાતોના હાથે મહિલાઓને ચપ્પલ વહેંચી રહી છે. સાથે જ પોતાના હાથે કેટલાયને ચપ્પલ પહેરાવ્યા પણ. સ્વરા આ સાથે પ્રવાસી મજૂરોને ઘરે પહોંચડાવામાં પણ દદ કરી રહી છે. સ્વરાના આ નેક કામના લોકો વખાણ કરી રહ્યાં છે.
તમને જણાવી દઈએ કે સ્વરા ટ્વિટર પર ઘણી એક્ટિવ રહે છે અને તે અવારનવાર સામાજિક મુદ્દાઓ પર બેબાકીથી પોતાની વાત રજૂ કરે છે. સ્વરા તેની ટ્વિટને કારણે હમેશા ચર્ચામાં રહે છે. ત્યારે હવે એક્ટ્રેસ પોતાની દરિયાદિલી પણ દેખાડી રહી છે.