હોલિવુડ પછી બોલિવુડ સેલેબ્સ પણ કોરોનાનો શિકાર બન્યા હોવાના સમાચાર આવી રહ્યા છે. કનિકા કપૂર, કરીમ મોરાની અને તેની બંને દિકરીઓ, પૂરબ કોહલૂ પછી એક્ટ્રેસ શેફાલી શાહ પણ કોરોના પોઝિટિવ આવવાની વાત ફેલાઇ રહી હતી, એ વચ્ચે શેફાલીએ પોતાના ઑફિશ્યલ સોશ્યલ મીડિયા એકાઉન્ટ પર COVID 19 હોવાની વાતનો ખુલાસો કરવામાં આવ્યો હતો.
જોકે શેફાલીએ જણાવ્યુ કે, તેનું ફેસબુક એકાઉન્ટ હેક કરી લેવામાં આવ્યુ છે. શેફાલીએ પોતાના ઇન્સ્ટાગ્રામ એકાઉન્ટ પર લખ્યુ કે, ''મારુ ફેસબુક એકાઉન્ટ હેક કરવામાં આવ્યુ હતુ. ઉંઘીને ઉઠીને ત્યારે ફોનમાં મેસેજો સતત આવી રહ્યા હતા. લોકો મારા માટે ચિંતા વ્યક્ત કરી રહ્યા હતા. મને એમ પણ કહ્યુ કે, જરૂર હોય તો ફોન કરજો. કેટલાક લોકોએ તો પોતાનો ટેલિફોન નંબર પણ શૅર કર્યા હતા. આ લોકોને હું મળી છું અને ઘણાં લોકોને મળી પણ નથી તો કેટલાંકને ભાગ્યે જ મળવાનું થતું હોય છે. જોકે, આ તમામે મારા પ્રત્યે ચિંતા દર્શાવી હતી. ''
A post shared by Shefali Shah (@shefalishahofficial) on
શેફાલીએ પોસ્ટમાં આગળ લખ્યુ હતુ કે, ''તમામે મારી ચિંતા કરી હતી, અજાણ્યાં લોકો, ઓળખીતા તથા મિત્રોએ મેસેજ કર્યાં હતાં. મને નથી લાગતું કે હું એક્ટર હોવાને નાતે આ લોકોએ આમ કર્યું. તેમણે આમ એટલાં માટે કર્યું કે તેમને વાસ્તવમાં મારી ચિંતા હતી. હું તમામને બસ એટલું જ કહેવા માગીશ કે હું બિલકુલ ઠીક છું. અન્ય લોકોની જેમ હું પણ આ પરિસ્થિતનો સામનો કરી રહી છું. હું આટલી નેગેટિવ ક્યારે ના બની શકું કે આવું ભયંકર વિચારું.''
A post shared by Shefali Shah (@shefalishahofficial) on
અનેક સીરિયલો અને ફિલ્મોમાં કામ કરી ચૂકેલી શેફાલીએ જણાવ્યુ કે તે લોકડાઉનમાં કેવી રીતે પોતાના ફેમિલીની સાથે સમય વીતાવી રહી છે. શેફાલીએ પોતાના સોશ્યલ મીડિયા પોસ્ટ પર ફેન્સને કવૉરન્ટીન પીરિયડમાં શું કરી રહી છે તે વિશે જણાવી રહી છે.
ઉલ્લેખનીય છે કે, શેફાલીએ 1995માં ફિલ્મ ‘રંગીલા’ ફિલ્મી કરિયરની શરૂઆત કરી હતી. જોકે, આ ફિલ્મમાં તેનો રોલ ઘણો જ નાનો હતો. ત્યારબાદ તે ટીવી સિરિયલ ‘કભી કભી’માં જોવા મળી હતી. પછી તેણે ‘સત્યા’, ‘વક્તઃ ધ રેસ અગેઈન્સ ટાઈમ’, ‘મોનસૂન વેડિંગ’, ‘ગાંધી, માય ફાધર’, ‘બ્લેક એન્ડ વ્હાઈટ’, ‘ધ લાસ્ટ યર’ જેવી ફિલ્મ્સમાં કામ કર્યું હતું