એક્ટ્રેસ ઋચા ચડ્ઢાએ પોતાના ટ્વિટર હેન્ડલ પર એક વીડિયો શૅર કર્યો છે. આ વીડિયોમાં ગરીબી અને ભૂખમરાના કારણે બેબસ બનેલો એક વ્યક્તિ સડક પર પડેલું દૂધ પોતાના હાથથી માટલીમાં ભરતો જોવા મળી રહ્યો છે. આ દૃશ્ય જોઈને કોઈની પણ આંખો ભરાઈ આવશે.
કોરોના વાયરસના કારણે દેશમાં લૉકડાઉનની સ્થિતિ છે ત્યારે પીએમ મોદીએ આજે લૉકડાઉનને ફરીથી લંબાવ્યું છે. તેઓએ કહ્યું કે ગરીબોને આ લૉકડાઉનમાં વધારે મુશ્કેલીનો સામનો કરવો પડી રહ્યો છે. આ સમયે હાલમાં આગ્રામાં એક વીડિયો વાયરલ થઈ રહ્યો છે. તેને જોઈને દરેક વ્યક્તિ આશ્ચર્યમાં છે. વીડિયોને એક્ટ્રેસ ઋચા ચડ્ઢાએ પોતાના ટ્વિટર હેન્ડલ પર શૅર કર્યો છે. વીડિયોમાં ગરીબી અને ભૂખમરીથી બેહાલ એક વ્યક્તિ સડક પર ઢોળાયેલું દૂધ હાથથી માટલામાં ભરતો જોવા મળી રહ્યો છે.
જ્યારે કોંગ્રેસના કાર્યકર્તા જેણે આ વીડિયો શૅર કર્યો હતો તેણે ટ્વિટ કરીને લખ્યું હતું કે ટ્રમ્પના રોડ શો માટે આપણે 3 કરોડ ખર્ચી શકીએ છીએ પરંતુ ભૂખ્યાઓને ખવડાવવું આપણાં માટે કેટલું અઘરું કામ બની જાય છે.
વીડિયો પર મળ્યા અનેક રીએક્શન
વીડિયોમાં જોવા મળી રહ્યું છે કે જે દૂધને આ વ્યક્તિ માટલામાં ભરી રહ્યો છે તેને કૂતરા પણ ચાટી રહ્યા છે. આ વીડિયો માણસાઈને હલાવી દેનારો છે. ઋચા ચડ્ઢાએ વીડિયો શૅર કરતાં કેપ્શનમાં લખ્યું છે કે નથી જોઈ શકતી... એક્ટ્રેસ ઋચા ચડ્ઢાએ પોસ્ટ કરેલા વીડિયો પર ખૂબ જ રિએક્ટ કર્યા છે અને પોતાની પ્રતિક્રિયા આપી રહ્યા છે.
દેશમાં વધી રહ્યો છે કોરોના
કોરોના વાયરસ દેશમાં ઝડપથી ફેલાઈ રહ્યો છે. દેશમાં કોરોનાના સંક્રમણના કેસ 10,000ને પાર થયા છે ત્યારે છેલ્લા 24 કલાકમાં પણ 1211 કેસ આવ્યા છે. તો 31 લોકોના મોત થઈ ચૂક્યા છે. ભારતમાં કોરોના સંક્રમણની સંખ્યા 339 થઈ છે અને સાથે જ 1036 લોકો સાજા પણ થયા છે. ઉલ્લેખનીય છે કે હાલમાં મહારાષ્ટ્ર કોરોનાથી સૌથી વધુ પ્રભાવિત છે. અહીં 2000થી પણ વધારે કેસ જોવા મળ્યા છે.