IIFA 2019 ઇવેન્ટનો એક પ્રોમો વીડિયો વાયરલ થઇ રહ્યો છે. આ ઇવેન્ટ દરમિયાન બોલિવુડના ઘણા સ્ટાર્સ જોવા મળી રહ્યા છે. આ પ્રોમો વીડિયોમાં આયુષ્માન એક્ટ્રેસ નુસરત ભરૂચાને સવાલ પૂછે છે કે, તે કયા એક્ટરને 'બિગ બૉસ' ના ઘરમાં ટુવાલમાં જોવા ઇચ્છે છે?
IIFA 2019 નો એક વીડિયો સોશ્યલ મીડિયા પર વાયરલ
નુસરત ભરૂચા રણબીર કપૂરને ટોવેલમાં જોવા ઇચ્છે છે
આ વિશે વાત કરતા નુસરતે અટકતા રણબીર કપૂરનું નામ લીધું. જોકે તેના આ જવાબ પર ઓડિયન્સ ચીયર કરતી જોવા મળી તો આલિયા પણ તેના આ જવાબથી હસતી જોવા મળી રહી હતી. નુસરતે જે પછી આલિયાની સામે જોઇને તેને મજાક માટે SORRY પણ કહ્યુ.
આ સિવાય પ્રોમો વીડિયોમાં 'ઉરી' ફેમ વિક્કી કૌશલને પૂછવામાં આવ્યુ કે તે કયા સ્ટારને બિગ બૉસના ઘરમાં જોવા માંગે છે? તો વિક્કીએ જવાબ આપતા રણવીર સિંહનુ નામ લીધું હતુ. વિક્કીએ કહ્યુ કે, ''હું ઇચ્છું છે કે રણવીર ઘરમાં છેલ્લે સુધી રોકાવવા માટે શું કરશે.'' જોકે વિક્કીનો આ જવાબ સાંભળીને રણવીર સિંહ અને દીપિકા પાદુકોણ હસવા લાગ્યા હતા.
ઉલ્લેખનીય છે કે, રણબીર કપૂર પોતાની પહેલી ફિલ્મ 'સાંવરિયા' માં ટુવાલમાં જોવા મળ્યો હતો. આ ફિલ્મમાં રણબીરે એક સોંગ માટે અંતમાં ટુવાલ પાડી દીધો હતો, તેની આ સ્ટાઇલ ખૂબ જ ચર્ચામાં આવી હતી.