મસાબા ગુપ્તાએ પોતાના લોન્ગ ટાઈમ બૉયફ્રેન્ડ સત્યદીપ મિશ્રા સાથે લગ્ન કર્યા છે. મસાબાએ તેના લગ્નની તસ્વીરો સોશિયલ મીડિયામાં શેર કરી છે. તસ્વીરમાં કપલ એકસાથે ખુશ દેખાઈ રહ્યું છે.
મસાબા ગુપ્તાએ બૉયફ્રેન્ડ સત્યદીપ મિશ્રા સાથે લગ્ન કર્યા
મસાબાએ તેના લગ્નની તસ્વીરો સોશિયલ મીડિયામાં કરી શેર
પ્રશંસકોએ કપલને લગ્નની અઢળક શુભેચ્છા આપી
બોલીવુડ અભિનેત્રી નીના ગુપ્તાની પુત્રી મસાબાએ બીજા લગ્ન કર્યા
બોલીવુડ અભિનેત્રી નીના ગુપ્તાની પુત્રી મસાબાએ બીજા લગ્ન કર્યા છે. મસાબાએ પોતાના લોન્ગ ટાઈમ બૉયફ્રેન્ડ સત્યદીપ મિશ્રા સાથે આજે ઈન્ટીમેટ સેરેમનીમાં લગ્ન કર્યા છે. મસાબાએ તેના ઈન્સ્ટાગ્રામ પર અમુક તસ્વીરો પણ શેર કરી છે. મસાબા અને સત્યદીપની તસ્વીરો સોશિયલ મીડિયામાં વાયરલ થઇ રહી છે. મસાબા અને સત્યદીપ લાંબા સમયથી એકબીજાને ડેટ કરી રહ્યાં હતા. થોડા સમય પહેલ નેટફ્લિક્સ પર મસાબા-મસાબા સીરીઝ રીલીઝ થઇ હતી. આ લોકપ્રિય સીરીઝમાં સત્યદીપે મસાબાના પતિની ભૂમિકા ભજવી હતી. બંનેની પહેલી મુલાકાત સેટ પર થઇ હતી અને પછી પ્રેમ થયો હતો. પ્રશંસકો મસાબા અને સત્યદીપને લગ્નની અઢળક શુભેચ્છા આપી રહ્યાં છે.
મસાબા અને સત્યદીપ મિશ્રા વચ્ચેની ઉંમરમાં 18 વર્ષનુ અંતર
બંનેની ઉંમરમાં 18 વર્ષનુ અંતર છે. મસાબાએ સત્યદીપની સાથે તસ્વીર શેર કરતા લખ્યું, "મેરે શાંતિ સે ભરે સમંદર મેં મૈંને આજ સુબહ શાદી કર લી." અમારા આગામી જીવનમાં શાંતિ, પ્રેમ અને સ્થિરતાના નામે અને મને આ કેપ્શનને લખવા આપવા માટે શુભેચ્છા. આ વધુ સારું થવાનુ છે.
લગ્નની તસ્વીરમાં બંને ટ્વિનિંગ કરતા દેખાયા. મસાબાએ જાતે આ કપડાંને ડિઝાઈન કર્યા છે. મસાબાની પોતાની ફેશન બ્રાન્ડ છે. તેમણે પોતાની ફેશન બ્રાન્ડના બ્રાઈડલ કલેક્શનને પહેર્યુ છે. ગુલાબી સાડીમાં મસાબા ખૂબ સુંદર દેખાઈ રહી છે. અભિનેત્રીએ સાડીની સાથે ગોલ્ડ જ્વેલરી પહેરી છે. મસાબા અને સત્યદીપે કોર્ટે મેરેજ કર્યા હતા.