સિનેમા જગતમાંથી વધુ એક ખરાબ સમાચાર આવ્યા છે. હવે બંગાળી અને હિન્દી ફિલ્મોમાં કામ કરી ચૂકેલી એક્ટ્રેસ મિષ્ટી મખર્જીનું 27 વર્ષની વયે શુક્રવારે સાંજે બેંગલુરુમાં નિધન થઈ ગયું છે. રિપોર્ટ્સ અનુસાર શનિવારે એક્ટ્રેસનું અંતિમ સંસ્કાર કરી દેવામાં આવ્યું છે.
વધુ એક આઘાતજનક સમાચાર
માત્ર 27 વર્ષની ઉંમરે આ અભિનેત્રીનું નિધન
કિડની ફેલ થતાં થયું નિધન
વર્ષ 2013માં બોલિવૂડમાં ડેબ્યૂ કર્યું હતું
વર્ષ 2013માં ફિલ્મ મૈં કૃષ્ણા હુંથી બોલિવૂડમાં ડેબ્યૂ કરનાર મિષ્ટી મુખર્જીને કિડની સંબંધી સમસ્યા હતી અને તે છેલ્લા ઘણાં મહિનાથી કીટો ડાયટ પર હતી. ફિલ્મ મૈં કૃષ્ણા હુંમાં ડાન્સ નંબર કર્યા બાદ મિષ્ટી મુખર્જી ડિરેક્ટર રાકેશ મહેતાની ફિલ્મ લાઈફ કી તો લગ ગઈમાં કામ કર્યું હતું. મિષ્ટી મુખર્જી બોલ્ડ મ્યુઝિક અને આઈટમ નંબર્સમાં ઘણી જ પોપ્યુલર હતી. આ સિવાય તે અનેક મોટી પાર્ટીઝ અને ઈવેન્ટ્સમાં જોવા મળતી હતી.
કોન્ટ્રોવર્સીમાં આવી ચૂક્યું છે નામ
વર્ષ 2014માં મિષ્ટી મુખર્જીનું એક મોટી કોન્ટ્રોવર્સીમાં નામ આવી ચૂક્યું છે. જે બાદ તેના મુંબઈમાં તેના ઘરની શોધખોળમાં અનેક અશ્લીલ સીડી મળી આવી હતી. પોલીસે મિષ્ટીની આપત્તિજનક સ્થિતિમાં ધરપકડ કરી હતી. આ કેસમાં તેના પિતા અને ભાઈની ધરપકડ કરવામાં આવી હતી પરંતુ પછીથી જામીન પર છૂટી ગયા હતા.