કેન્સર / બોલીવુડ એક્ટ્રેસને કેન્સર થયું છતા માતા-પિતાને જાણ ન કરી, અનુપમ ખેરે વીડિયો શૅર કર્યો તો વાયરલ થઈ ગયો

• પરદેસથી બૉલીવુડ કૅરિયર શરૂ કર્યું 
• બ્રેસ્ટ કેન્સરની જાણ થતાં પણ હિંમત ન હારી 
• અનુપમ ખેરે સો.મીડિયામાં પોસ્ટ કર્યો વિડીયો

1997 માં શાહરૂખ સાથે કેરિયરની શરૂઆત
બોલિવૂડમાંથી એક ચોંકાવનારા સમાચાર સામે આવ્યા છે. વર્ષ 1997માં શાહરુખ ખાન સાથે ફિલ્મ પરદેસથી બૉલીવુડ કૅરિયર શરૂ કરનાર 48 વર્ષીય મહિમા ચૌધરી બ્રેસ્ટ કૅન્સર સામે લડી રહી છે અને આ વાતનો ખુલાસો મહિમા ચૌધરીએ અનુપમ ખેર સાથે વાતચીત કરતાં કર્યો હતો. બ્રેસ્ટ કેન્સર સામે ઝઝૂમી રહેલી મહિમા ચૌધરીનો એક વીડિયો અનુપમ ખેરે પોતાના ઇન્સ્ટાગ્રામ એકાઉન્ટ પર શેર કર્યો છે, જેમાં એક્ટ્રેસનો લૂક જોઇને ફેન્સ માટે તેને ઓળખવી થોડી મુશ્કેલ થઇ શકે છે.

 

 

 

 

View this post on Instagram

 

 

 

 

 

 

 

 

 

 

 

A post shared by Anupam Kher (@anupampkher)

અનુપમ ખેરે ઈન્સ્ટાગ્રામ પર શેર કર્યો વીડિયો
અનુપમ ખેરે પોતાના સો.મીડિયા ઇન્સ્ટાગ્રામ પર એક વીડિયો પોસ્ટ કર્યો છે. જેમાં મહિમા ચૌધરી ખુબ જ ટૂંકા વાળ સાથે જોવા મળે છે. તે બારી પાસે બેઠી છે અને અનુપમ ખેર વીડિયો લઈને તેને પૂછી રહ્યા છે કે તે શું વિચારી રહી છે, જેના પર મહિમા ચૌધરી તેને જવાબ આપી રહી છે કે જ્યારે તેની સારવાર ચાલી રહી હતી ત્યારે અનુપમ ખેરે તેને ફોન કર્યો હતો અને તે સમજી ગઈ હતી કે આ એક મહત્વપૂર્ણ ફોન છે. જ્યારે તેણે તેને પોતાની ફિલ્મમાં કામ કરવાની ઓફર કરી તો તે વિચારતી પણ હતી. મહિમાએ અનુપમ ખેરને એમ પણ કહ્યું હતું કે ટ્રીટમેન્ટ દરમિયાન જ્યારે એના વાળ ગયા હતા ત્યારે એ દરમિયાન એને ઘણી ફિલ્મો અને વેબ સિરિઝના ફોન પણ આવ્યા હતા.

 

 

 

 

View this post on Instagram

 

 

 

 

 

 

 

 

 

 

 

A post shared by Mahimachaudhry (@mahimachaudhry1)

માતા પિતાને પણ જાણ નહોતી કરી
મહિમા ચૌધરી આ વીડિયોમાં અનુપમ ખેરને પોતાના કેન્સરની તપાસ વિશે વિસ્તારથી જણાવી રહી છે અને સાથે જ પોતાના કેન્સર વિશે વાત કરતા મહિમાએ પણ જણાવ્યું હતું કે અનુપમ ખેર તેના મિત્ર છે, તેથી તેણે આ કેન્સરની વાત કરી, નહીં તો તેણે લાંબા સમય સુધી પોતાના માતા-પિતાને પણ કેન્સર વિશે જણાવ્યું ન હતું. પોતાની વાતોની શરૂઆતમાં મહિમા ચૌધરીએ પોતાને ખૂબ જ મજબૂત રાખી હતી, પરંતુ અંતે તે એકદમ ભાવુક થઇ ગઇ હતી. તેના આ વીડિયોમાં મહિમા ચૌધરી બ્રેસ્ટ કેન્સર સામે લડી રહેલી મહિલાઓની હિંમત વધારતી જોવા મળી રહી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Mahimachaudhry (@mahimachaudhry1)

અનુપમ ખેરે મહિમા ચૌધરીને અસલી હીરો ગણાવી
મહિમા ચૌધરીના 7 મિનિટ 30 સેકન્ડના આ વીડિયોને શેર કરતા અનુપમ ખેરે કેપ્શનમાં લખ્યું છે કે, "મહિમા ચૌધરીની કેન્સર સામે લડવાની કહાનીઃ  એક મહિના પહેલા મેં મહિમા ચૌધરીને મારી 525મી ફિલ્મ 'ધ સિગ્નેચર'માં એક ખાસ રોલ માટે અમેરિકાથી ફોન કર્યો હતો. વાતચીત દરમિયાન જ મને ખબર પડી કે તેને બ્રેસ્ટ કેન્સર છે. તેની વાતચીતમાં એક નિખાલસતા હતી.  તેણીનો આ એટીટ્યુડ દુનિયાભરની મહિલાઓ માટે પ્રેરણારૂપ બનશે. તે ઇચ્છતી હતી કે જ્યારે તેણી વિશે બીજાને જણાવે ત્યારે હું તેનો ભાગરૂપ બનું. તેણે મને આશાવાદી કહ્યો, પરંતુ મારી વહાલી મહિમા, 'તું મારો હીરો છે'. મિત્રો, તેમને તમારો પ્રેમ, પ્રાર્થનાઓ અને આશીર્વાદ આપજો. તે સેટ પર પાછી ફરી છે, જ્યાં તે પહેલેથી જોડાયેલી છે. એ ઉડવા માટે તૈયાર છે. તમામ ડાયરેક્ટર્સ અને પ્રોડયુસર્સને કહેવા માગું છું કે આ તક છે તમે એની પ્રતિભાનો ઉપયોગ કરી શકો છો. તેણીની જય હો."

 

 

 

 

View this post on Instagram

 

 

 

 

 

 

 

 

 

 

 

A post shared by Mahimachaudhry (@mahimachaudhry1)

મહિમા ચૌધરીના ઝડપથી સાજા થવા માટે ચાહકોની પ્રાર્થના
અનુપમ ખેરનો આ વીડિયો જોયા બાદ લોકો મહિમા ચૌધરીને બહાદુર અને અસલી હીરો ગણાવી રહ્યા છે અને એક્ટ્રેસ બને એટલી જલ્દી સ્વસ્થ થાય તેવી પ્રાર્થના કરી રહ્યા છે. સાથે જ ઘણા સેલેબ્સએ પણ કોમેન્ટ કરીને આશ્વાસન આપ્યું હતું.