જ્યારથી સુશાંત સિહ રાજપૂતે આત્મહત્યા કરી છે ત્યારે તેની આત્મહત્યાના કારણને લઈને અલગ અલગ પ્રકારની વાતો સામે આવી રહી છે. સુશાંતના નજીકના લોકોની આ વિશે પૂછપરછ ચાલી રહી છે પરંતુ તેના નિધન બાદ એક્ટ્રેસ કંગના રનૌતનો ગુસ્સો સોશ્યલ મીડિયા મારફતે સામે આવ્યો છે. હંમેશા બૉલીવુડ કલ્ચરની વિરુદ્ધ અવાજ ઉઠાવનારી એક્ટ્રેસ સુશાંતની મોત માટે બૉલીવુડના મૂવી માફિયા ગૅન્ગ અને કેટલાંક નક્કી મીડિયા ગ્રુપને જવાબદાર માને છે. તેણે આ એક પ્લાન્ડ મર્ડર બતાવ્યું છે.
એક્ટ્રેસ ઈન્સ્ટાગ્રામ દ્વારા એક વીડિયો શૅર કર્યો છે જેમાં કંગના ઘણી હદે ખૂલીને કેટલાંક મીડિયા ગ્રુપ અને મૂવી માફિયાને સુશાંતની આત્મહત્યા માટે જવાબદાર માની રહી છે. તે કહી રહી છે કે સુશાંત સિંહ રાજપૂતના મોત બાદ ઘણાં રિપોર્ટ્સ સામે આવ્યા અને મેં કેટલાંક લોકો સાથે આ વિશે વાત કરી છે. કંગના મુજબ સુશાંતના પિતાનું કહેવું છે કે તે ફિલ્મ ઇન્ડસ્ટ્રીમાં ચાલી રહેલા ટેન્શનના પગલે તે ઘણો પરેશાન હતો. ફિલ્મ ડાયરેક્ટર અભિષેક કપૂરનું કહેવું છે કે તેના દિમાગને એક સિસ્ટેમેટિક રીતે તોડવાની કોશિશ કરવામાં આવી છે. તેની પૂર્વ ગર્લફ્રેન્ડ અંકિતા લોખંડેનું કહેવું છે કે સામાજિક રૂપથી કરવામાં આવેલું અપમાન તે સહન ન કરી શક્યો.
કંગનાએ કેટલાંક મીડિયા રિપોર્ટ્સ દ્વારા કેટલીક એવી ખબરો નીકાળી જેને તે ખોટી બતાવી રહી છે અને મીડિયાને પણ ટાર્ગેટ કરી રહી છે. તે કહે છે કે એક વેબસાઈટે જણાવ્યું હતું કે સુશાંત જ્યારે સેક્સ કરતો હતો ત્યારે પોતાની જ ફિલ્મોના ગીતો સાંભળતો હતો. તે સૌથી મોટો નાર્સેસિસ્ટ (પોતાના જ વખાણમાં રાચતો) હતો. જ્યારે બીજી વેબસાઈટ લખે છે કે સુશાંત એક ટ્રક ડ્રાઈવર જેવો લાગે છે. એક ઘટના વિશે ઉલ્લેખ કરતા કંગના કહે છે કે એક મીડિયા રિપોર્ટ્સમાં કહેવાયું હતું કે સુશાંતે નશામાં એક ડાયરેક્ટરના માથામાં કાચની બોટલ ફેંકીને મારી હતી. તેના પર મી ટૂ જેવા આરોપો પણ લગાવાયા હતાં.
કંગનાએ આવી ખબરો ખોટી કહી
કંગનાએ આવી ખબરો પબ્લિશ કરનારા મીડિયા ગ્રુપથી નારાજ છે. તેના બાદ તે પોતાની એક વાત વિશે જણાવતા કહે છે કે કેવી રીતે એક વખતે એક સ્વતંત્રતા સેનાની વિરુદ્ધ ખરાબ લખવા પર એક પત્રકાર પર ફરિયાદ દાખલ કરી હતી. ત્યાર બાદ 4 મોટા પત્રકારઓ મળીને તેના વિરુદ્ધ એક ગિલ્ડ બનાવી હતી અને ટૉર્ચર કર્યો હતો.
ઉલ્લેખનીય છે કે આ પહેલા કંગના રનૌતે સુશાંતના નિધન બાદ એક વીડિયો અગાઉ પણ શૅર કર્યો હતો જેમાં તેમણે સીધી રીતે બૉલીવુડમાં ચાલી રહેલી નિપોટિઝમ પર નિશાનો સાધ્યો હતો. તેમાં પણ મૂવી માફિયા, મોટા પ્રોડક્શન હાઉસને સુશાંતની મોત માટે જવાબદાર ઠેરવતા એક પ્લાન્ડ મર્ડર કહ્યું હતું.