એક્ટ્રેસ છવિ મિત્તલે થોડા સમય પહેલા જણાવ્યું કે તે બ્રેસ્ટ કેન્સરથી પીડાય છે. એક્ટ્રેસે પોતાના હેલ્થને લઈને દરેક અપડેટ પોતાના ફેન્સ સાથે શેર કરી છે.
સર્જરી બાદ છવિએ શેર કરી પોસ્ટ
ફેન્સ સાથે પોતાનો ફોટો કર્યો શેર
ફોટો સાથે કેપ્શનમાં લખી આ વાત
ટીવી અભિનેત્રી છવિ મિત્તલે થોડા દિવસો પહેલા જ જણાવ્યું હતું કે તેને બ્રેસ્ટ કેન્સર છે. તેને પોતાની બીમારીની જાણકારી વર્ક આઉટ કરતી વખતે પહોંચેલી ઈજા બાદ મળી હતી. ત્યાર બાદ તે ડોક્ટર પાસે ગઈ અને ઘણા ટેસ્ટ કરાવ્યા અને તેને બાયોપ્સી કરવાની સલાહ આપવામાં આવી. ત્યાર બાદથી જ તે પોતાના સ્વાસ્થ્યની દરેક અપડેટ સોશિયલ મીડિયા પર આપી રહી છે. હવે તેની ફાઈનલ સર્જરી થઈ ગઈ છે અને તેણે તેની જાણકારી ઈન્સ્ટાગ્રામ પર આપી છે.
સર્જરી બાદ એક્ટ્રેસ કરી ઈન્સ્ટાગ્રામ પોસ્ટ
છવિ મિત્તલે સર્જરી બાદ પોતાનો ફોટો શેર કરતા લખ્યું કે જ્યારે ડોક્ટરે મને આંખો બંધ કરીને કંઈક સારુ વિચારવા માટે કહ્યું તો મેં પોતાના સુંદર અને સ્વસ્થ્ય બ્રેસ્ટ વિશે વિચાર્યું. ત્યાર બાદ મને જાણકારી મળી કે હું કેન્સર થઈ ચુકી છું. સર્જરી છ કલાક સુધી ચાલી હતી ઘણી પ્રોસેસ કરવામાં આવી હતી અને હજુ રિકર્વરીની યાત્રા હજી લાંબી છે. પણ સૌથી મોટી અને સૌથી સારી વાત એ છે કે હવે બધું સારું થઈ જશે. જે ખરાબ હતું તે પસાર થઈ ગયું.
તેણે આગળ લખ્યું કે તમારી પ્રાર્થના મારી સાથે હતી અને હવે મને તેમની વધુ જરૂર છે. કારણ કે અત્યારે હું ખૂબ પીડામાં છું અને આ પીડા મને યાદ અપાવે છે કે મેં મારા ચહેરા પર સ્મિત સાથે એક મોટી લડાઈ જીતી છે. હું તમારી સાથે વધુ માહિતી શેર કરીશ, પરંતુ મારી સાથે રહેવા બદલ આભાર.
પતિ માટે કહી આ વાત
હજુ પણ પ્રાર્થના કરતા રહો. છેલ્લે સૌથી મહત્ત્વની વાત એ છે કે મારા પતિ જે મારી જેમ જ પાગલ, બહાદુર, ધીરજવાન અને મારી કેર રાખનાર છે તેના વિના હું કંઈ કરી શકી ન હોત. મોહિત, હું ફરીથી તારી આંખોમાં ક્યારેય આંસુ જોવા નથી માંગતી. #cancerfree