ચંકી પાન્ડેની પુત્રી અનન્યા પાંડેએ હાલમાં જ રિલીઝ થયેલી ફિલ્મ 'સ્ટૂડેન્ટ ઓફ ધ ઇયર 2' થી બોલીવૂડ ડેબ્યૂ કર્યું. જોકે આ ફિલ્મને કંઇ ખાસ રિસ્પોન્સ નથી મળ્યો. પરંતુ ફિલ્મમાં અનન્યાની એક્ટિંગની ઘણી પ્રશંસા કરવામાં આવી રહી છે.
ચંકી પાન્ડેની પુત્રી અનન્યા પાંડેએ હાલમાં જ રિલીઝ થયેલી ફિલ્મ 'સ્ટૂડેન્ટ ઓફ ધ ઇયર 2' થી બોલીવૂડ ડેબ્યૂ કર્યું. જોકે આ ફિલ્મને કંઇ ખાસ રિસ્પોન્સ નથી મળ્યો. પરંતુ ફિલ્મમાં અનન્યાની એક્ટિંગની ઘણી પ્રશંસા કરવામાં આવી રહી છે. આજ કારણ છે કે અનન્યા આજકાલ ઘણી ખુશ છે. થોડા સમય પહેલા એક ઇન્ટરવ્યૂમાં અનન્યા પાન્ડે ખુલીને વાત કરતા જણાવ્યું કે તેમની લાઇફમાં કોણ સૌથી વધુ મહત્વ ધરાવે છે.
ફિલ્મ ઇન્ડસ્ટ્રીઝમાં અનન્યાના ઘણા મિત્રો છે. જેમા શાહરુખ ખાનની દિકરી સુહાના ખાન અને સંજય કપૂરની પુત્રી શનાયા કપૂર સામેલ છે. જોકે ઘણા ઓછા લોકો હોય છે કે જે ફેમિલી જેવા હોય છે, જોકે આ મામલે અનન્યા ખુદને લકી માને છે. અનન્યા પાન્ડે કહે છે કે બોલીવૂડમાં ઘણા લોકો તેમની નજીક છે. જેમાં શાહરુખ ખાન સ્પેશિયલ છે. અનન્યા પાન્ડે કહે છે કે શાહરુખ ખાન તેમના પિતા સમાન છે. અનન્યા પાન્ડે કહ્યું કે શાહરુખ ખાન તેમના પિતા ચંકી પાન્ડેના બેસ્ટ ફ્રેન્ડ છે. અને ઘણો ખ્યાલ રાખે છે. હવે અનન્યા પાન્ડેના મુખે પ્રશંસા સાંભળીને શાહરુખ ખરેખર ઘણો ખુશ થશે.
અનન્યા પાન્ડેની ફિલ્મોની વાત કરીએ તો, તે કાર્તિક આર્યન સ્ટારર 'પતિ, પત્ની અને વો'ની રીમેકમાં નજરે આવશે. આ ફિલ્મ 1978માં આવેલ આ નામની સંજીવકુમાર સ્ટારર ફિલ્મની રીમેક છે. ફિલ્મમાં અનન્યા પાન્ડે ઉપરાંત ભૂમિ પેડનેકર પણ નજરે પડશે અને જે આવતા વર્ષે 10 મે રિલીઝ થશે.