પોતાની શાનદાર એક્ટિંગ કરવા માટે પ્રખ્યાત વીકી કૌશલનો એક વિડીયો સામે આવ્યો છે જે સોશિયલ મીડિયામાં ખુબ વાયરલ થઇ રહ્યો છે. વિકી કૌશલ પોતાના અભિનયનાં કારણે યુવાનોમાં ખુબ લોકપ્રિય છે. હાલમાં આ વિડીયો સોશિયલ મીડિયામાં ચર્ચાનો વિષય બન્યો છે. નોંધનીય છે કે આ વિડીયો વિકી કૌશલ જ્યારે એક્ટિંગ સ્કૂલમાં હતા તે સમયનો છે.
વિકી કૌશલનો જુનો વિડીયો વાયરલ
એક્ટિંગ સ્કૂલ સમયનો વિડીયો
આ વિડીયો જોતા વિકી કૌશલને ઓળખવામાં પણ તકલીફ થઇ શકે છે. વિડીયો જોઇને એ સ્પષ્ટ છે કે વિકી કૌશલને પહેલેથી જ એક્ટિંગમાં મહારત હાસિલ હતી. આ વિડીયોમાં તેમણે લુંગી પહેરી છે અને તેઓ સાઉથ ઈન્ડીયન રોલમાં દેખાઈ રહ્યા છે. આ વિડીયો ઈન્સ્ટાગ્રામ પર શેર કરવામાં આવ્યો છે.
ખુબ ઓછા સમયમાં વિકી કૌશલે સફળતાની સીડીઓ સર કરી લીધી છે. તેમણે પોતાની એક અલગ ઓળખ પણ બનાવી લીધી છે. અમિતાભ બચ્ચન પણ વિકી કૌશલની એક્ટિંગનાં વખાણ કરે છે. નોંધનીય છે કે તેઓ સ્ટંટમેન અને પોપ્યુલર એક્શન ડાયરેક્ટર શામ કૌશલનાં પુત્ર છે. વિકીને શરૂઆતમાં એન્જીનીયર બનવું હતું અને તેમણે તેની શિક્ષા પણ પ્રાપ્ત કરી પરંતુ તે બાદ એક્ટિંગમાં રસ પેદા થયો અને પિતા સાથે સેટ પર જવા લાગ્યાં જે બાદ કિશોર નમિત કપૂરની એક્ટિંગ એકેડેમીમાં એડમીશન લઇ લીધું.
વિકી કૌશલ પાસે અત્યારે ઘણી ફિલ્મો છે. તેનમી પાસે ભૂત: પાર્ટ વન નામક હોરર ફિલ્મ છે તે સિવાય કરણ જોહરની ફિલ્મ તખ્તમાં પણ તેઓ નજરે આવશે. વિકી સૈમ માણેક શો આધારિત ફિલ્મ પણ તેઓ કરશે.