સોનુ સૂદ છેલ્લા કેટલાક મહિનાઓથી પ્રવાસી મજૂરોને તેમના વતન પહોંચાડવામાં મદદ કરી રહ્યો છે. લોકડાઉન દરમિયાન તે અનેક લોકો માટે મસીહા સાબિત થયો છે. હજી પણ સોનુના આ નેક કામ ચાલુ છે પરંતુ ઘરે પરત જનારા બેરોજગાર મજૂરોની સંખ્યા એક લાખ સુધી પહોંચી ગઈ છે. જેથી આવા લોકોની મદદ માટે સોનુ સૂદે એક એપ લોન્ચ કરી છે. જેનું નામ છે પ્રવાસી રોજગાર. આનાથી વર્કર્સને રોજગાર મેળવવામાં મદદ મળશે.
સોનુ સૂદની શાનદાર પહેલ
હવે બેરોજગાર મજૂરોને અપાવશે રોજગાર
સોનુ સૂદે લોન્ચ કરી પ્રવાસી રોજગાર એપ
રોજગાર આપવા માટે આગળ આવ્યો સોનુ
સોનુ સૂદ આ લોકડાઉન દરમિયાન ખૂબ ચર્ચામાં રહ્યો છે. તેણે લોકોને ઘરે પહોંચાડ્યા, છત આપી અને હવે જરૂરિયાતમંદો માટે રોજગારની વ્યવસ્થા પણ કરી રહ્યો છે. સોનુ જણાવે છે કે, પોતાના વતન પરત ફર્યા બાદ મજૂરો રોજગાર શોધી રહ્યાં છે અને આ તેમના માટે ઘણો જ મુશ્કેલ સમય છે. જોકે, આ લોકોને કામ આપવા માટે કેન્દ્ર સરકારની યોજના છે પરંતુ મને લાગે છે કે, મજૂરોને લોન્ગ ટર્મ સોલ્યૂશનનની જરૂર છે. આ વર્કર્સને શહેરો અને નગરોથી જોડવા જરૂરી છે. જેથી તેમના જ ગામમાં રોજગારની તક ઉપલબ્ધ કરાવવાની કોશિશ કરીશ.
આ કામ માટે સોનુએ તેના એન્જિનિયર મિત્રોની મદદ લીધી છે. ઘણી કંપનીઓ અને એનજીઓ પણ તેને સપોર્ટ કરી રહ્યાં છે. આ એપ હાલ અંગ્રેજીમાં છે. ટૂંક સમયમાં તેને પાંચ ભાષાઓમાં લોન્ચ કરવામાં આવશે. આ એપની મદદથી મજૂરોને એક જગ્યાએથી બીજી જગ્યાએ આવવા-જવા માટે પણ મદદ મળશે.
રજિસ્ટ્રેશન અને કામ શીખવાડવામાં કરશે મદદ
સોનુ જણાવે છે કે, અમારી એક એપ અને એક વેબસાઈટ છે. ગ્રાઉન્ડ પર પણ લોકો છે જે મજૂરોને રજિસ્ટ્રેશન માટે મદદ કરશે. અમારો હેલ્પલાઈન નંબર પણ છે. લોકો તેના પર ફોન કરીને રજિસ્ટર કરી શકે છે. અમને તેમની યોગ્યતા જણાવો, જે શીખવું છે તે જણાવો. અમે તેમની પ્રોફાઈલ બનાવીશું અને તેમને સારું કામ મળે તેની તક સુધી પહોંચાડીશું.
સોનુએ જણાવ્યું કે, અત્યારે લોકોને ખબર નથી કે કામ ક્યાં મળશે. જે લોકો કામ કરનારાઓની શોધમાં છે તેમને નથી ખબર કે કામ કરનારાઓ ક્યાં મળશે. લોકોને કામ અપાવવાના આ પ્રયાસમાં તેમની પાસેથી એક રૂપિયો પણ ચાર્જ લેવામાં આવશે નહીં.
આ છે એપની ડિટેલ
સોનુ સૂદ આ ઓનલાઈન પ્લેટફોર્મ 23 જુલાઈએ લોન્ચ કરશે. તેમાં કંસ્ટ્રક્શનન, કપડાં, હેલ્થકેર, એન્જિનિયર, બીપીઓ, સિક્યોરિટી, ઓટોમોબાઈલ, ઈ-કોમર્સ અને લોજિસ્ટિક્સથી જોડાયેલ 500થી વધુ કંપનીઓમાં નોકરીની તક હશે. આની હેલ્પલાઈન 24X7 ચાલુ રહેશે. આના માઈગ્રેન્ટ સપોર્ટ સેન્ટર્સ દિલ્હી, મુંબઈ, બેંગલુરુ, હૈદરાબાદ, કોયમ્બતૂર, અમદાવાદ અને તિરુવંતપુરમમાં હશે. આ પ્લેટફોર્મથી જોડાવાના ઘણાં ફાયદા છે. જેમ કે, કાઉન્સેલિંગ સેશન હશે. સારી જોબ ઓફર મળશે સાથે જ અંગ્રેજી પણ શીખવાડવામાં આવશે. સોનુએ જણાવ્યું કે પ્રવાસી મજૂરોની સંખ્યા 6 કરોડથી પણ વધારે છે. તેમાંથી 3 કરોડ મજૂરો છે. તેણે આશ્વાસન આપ્યું છે કે એપ પર ટૂંક જ સમયમાં એક કરોડ લોકો હશે.