મહારાષ્ટ્રમાં કોરોના સંકટ વધી રહ્યું છે અને કેટલાક બોલીવૂડ સ્ટાર અત્યાર સુધીમાં કોરોનાની ઝપેટમાં આવી ચૂક્યા છે ત્યારે બોલીવૂડ એક્ટર અને ગરીબોના મસીહા તરીકે ઓળખ મેળવનાર સોનુ સૂદ ખૂદ કોરોના સંક્રમિત થયાં છે.
મહારાષ્ટ્રમાં કોરોના સંકટ ઘેરાયું
બોલીવૂડ એક્ટર સોનુ સૂદ થયાં કોરોના સંક્રમિત
ટ્વીટ કરીને આપી જાણકારી
ઉલ્લેખનીય છે કે, સોનુએ કોરોના રિપોર્ટ પોઝિટિવ આવ્યાની જાણકારી પોતાના ટ્વીટર પેજ પર પોતાના ફેન્સને આપી હતી.
ટ્વીટ કરીને કહ્યું- ઉલ્ટાનું હવે મારી પાસે વધુ સમય છે તમને મદદ કરવા માટે....
સોનુએ ટ્વીટમાં લખ્યું હતું કે, મારો કોરોના રિપોર્ટ પોઝિટિવ આવ્યા છે અને હાલ હું સેલ્ફ ક્વોરન્ટાઇન થયો છું. તો આ સાથે જ તેમણે વધુમાં લખ્યું હતું કે, ચિંતાની કોઇ વાત નથી. ઉલ્ટાનું હવે મારી પાસે વધુ સમય રહેશે આપને મદદ કરવાનો. યાદ રાખજો, કોઇપણ તકલીફ હોય હું હંમેશા તમારી સાથે જ છું.
સવારે જ કરી હતી માસ્ક પહેરવાની અપીલ કરતી ટ્વીટ
ઉલ્લેખનીય છે કે, આ પહેલા સોનુ સૂદે ટ્વીટ કરીને જણાવ્યું હતું કે, મેં સવારથી મારો ફોન રાખ્યો નથી. દેશભરમાંથી હોસ્પિટલ, બેડ્સ, દવા, ઇન્જેક્શન માટે હજ્જારો ફોન આવી ચૂક્યા છે અને હજી સુધી ઘણાખરાને હું આ ઉપલબ્ધ કરાવી શક્યો નથી. મને લાચાર અનુભવી રહ્યો છું, સ્થિતિથી ડર લાગે છે. પ્લીઝ ઘરમાં રહો અને માસ્ક પહેરો.
લૉકડાઉન સમયે જરૂરીયાતમંદ લોકોની કરી હતી મદદ
આપને જણાવી દઇએ કે, મહામારીને કારણે થયેલા લૉકડાઉન દરમિયાન એક્ટર સોનુ સૂદે કેટલાય પ્રવાસી શ્રમિકોને અને જરૂરિયામંદ લોકોની મદદ કરી હતી. તેમની આ મદદનો સિલસીલો હજી યથાવત છે પરંતુ કોરોનાની સ્થિતિ એટલી ગંભીર થઇ ચૂકી છે કે, સોનું સંપૂર્ણ રીતે દરેકની મદદ કરવા અસમર્થ છે.