બોલિવૂડ એક્ટર સોનુ સૂદ કોરોના સંકટના સમયમાં ગરીબો માટે દેવદૂત બન્યો છે. ભલે તેણે ફિલ્મોમાં વિલનનું પાત્ર ભજવ્યું હોય પરંતુ આ ખરાબ સમયમાં તેણે સાબિત કરી દીધું કે, રિયલ લાઈફ તે હીરો છે. તે સતત પ્રવાસી મજૂરોને ઘરે મોકલવાનું નેક કામ કરી રહ્યો છે અને હવે તેણે જણાવ્યું કે, મજૂરોને ઘરે મોકલવા માટે એક બસનો કેટલો ખર્ચ આવે છે.
સોનુ સૂદ કોરોના સંકટના સમયમાં ગરીબો માટે દેવદૂત બન્યો છે
એક્ટરે મજૂરોને ઘરે મોકલવા માટે એક બસનો કેટલો ખર્ચ આવે છે તે જણાવ્યું
સોનુ સૂદના આ નેક કામની લોકો ખૂબ પ્રસંશા કરી રહ્યાં છે
તમને જણાવી દઈએ કે, હાલમાં જ એક ઈન્ટરવ્યૂ દરમિયાન જ્યારે સોનુએ જણાવ્યું કે, પ્રવાસીઓની ખરાબ હાલત વિશે વિચારીને રાતે હું ઊંઘી નહોતો શકતો. મજૂરોને આ રીતે અપાર પીડા ભોગવીને પગપાળા તેમના વતન જતાં જોઈને મને ખૂબ જ દુઃખ થતું હતું અને એટલે જ મેં તેમની મદદ કરવાનો નિર્ણય લીધો અને બસો અને ભોજનની વ્યવસ્થા કરવાનું શરૂ કર્યું. તેણે કહ્યું કે, તે જ્યાં સુધી દરેક પ્રવાસીને ઘરે નહીં પહોંચાડી દે, પોતાનું કામ ચાલું રાખશે.
A post shared by ankit kashyap (@ankitkashyap7113600) on
એક બસનો આટલો ખર્ચ આવે છે
સોનુને જ્યારે પૂછવામાં આવ્યું કે, પ્રવાસી મજૂરોને ઘરે મોકલવા માટે એક બસનો કેટલો ખર્ચ આવે છે તો સોનુએ જણાવ્યું કે, તેમાં 1.8 લાખથી 2 લાખ રૂપિયા સુધીનો ખર્ચ આવે છે. આ ખર્ચ તેના પર નિર્ભર કરે છે કે પ્રવાસી મજૂરોને ક્યાં જવાનું છે.આ રીતે ત્યારે સોનુએ રાજ્ય સરકારોથી પરમિશન લઈને બસોની વ્યવસ્થા કરી અને પોતાની ટીમ સાથે મળીને પ્રવાસી મજૂરોને ઘરે મોકલવાનું કામ શરૂ કર્યું.
मेरे प्यारे श्रमिक भाइयों और बहनों. अगर आप मुंबई में है और अपने घर जाना चाहते हैं तो कृपया इस नंबर पर कॉल करें
18001213711
और बताएं आप कितने लोग हैं, कहाँ हैं अभी, और कहां जाना चाहते हैं. मैं और मेरी टीम जो भी मदद कर पाएंगे हम जरूर करेंगे. pic.twitter.com/Gik2eSCiQZ
સોશિયલ ડિસ્ટન્સિંગના નિયમનું પણ પાલન કરવાનું છે, એવામાં એક બસ આખી નથી ભરાતી અને આ કારણે જ વધુથી વધુ બસોને ભાડે રાખવી પડે છે. સોનુએ કહ્યું, હવે જ્યારે કામ સારી રીતે થઈ રહ્યું છે તો બીજા લોકો પણ આ કામમાં મદદ માટે આગળ આવી રહ્યા છે.
ઈન્ટરવ્યૂ દરમિયાન સોનુએ જણાવ્યું કે, એક પ્રવાસી મહિલાના ઘરે જવાની વ્યવસ્થા કરવામાં આવી તે સમયે પ્રેગ્નેટ હતી. બાદમાં મહિલાએ બાળકને જન્મ આપ્યો તો તેણે તેનું નામ સોનુ સૂદ રાખ્યું.