બોલિવૂડ / ચૂંટણી પંચે સોનુ સૂદને આપ્યું મોટું સન્માન, સ્ટેટ આઈકોન તરીકે કરાયો પસંદ

• સોનુ સૂદને સન્માનિત કરાયો
• ચૂંટણી પંચે સોનુને પંજાબના રાજ્ય આઈકન તરીકે અપોઈન્ટ કર્યો
• સોમવારે કમીશનનું સત્તાવાર નિવેદન સામે આવ્યું

નિવેદનમાં પંજાબના ચીફ ઈલેક્ટ્રોલ (સીઈઓ) એસ કરુણા રાજૂએ કહ્યું કે અભિનેતાની ઓફિસમાંથી આ સંદર્ભે ઈસીઆઈને પ્રસ્તાવ મોકલવામાં આવ્યો હતો. આ પછી કમિશને પણ તેને મંજૂરી આપી દીધી હતી. હવે સોનુ રાજ્યમાં ચૂંટણી સંબંધી જાગરૂકતા અભિયાન ચલાવશે. 

Actor Sonu Sood (in file pic) appointed as the state icon of Punjab by Election Commission. pic.twitter.com/ZoomBzvkDP

— ANI (@ANI) November 16, 2020

લોકડાઉન દરમિયાન ખૂબ ચર્ચામાં રહ્યો સોનુ

સોનુ સૂદ પંજાબના મોગા જિલ્લાનો રહેવાસી છે. લોકડાઉન દરમિયાન પ્રવાસી મજૂરોની મદદ કરીને સમગ્ર દેશમાં ચર્ચામાં આવી ગયો હતો. અભિનેતાએ મજૂરો માટે બસ, ટ્રેનોની વ્યવસ્થા કરી હતી જેથી તેઓ તેમના ઘરે પહોંચી શકે. 

અત્યારે પણ સોનુ સૂદ જરૂરિયાતમંદોની મદદ કરી રહ્યો છે. સોનુના કામના લોકો ખૂબ વખાણ કરી રહ્યાં છે. ગરીબોનો મસીહા બની ચૂકેલો સોનુ હમેશાં લોકોની મદદ માટે આગળ આવે છે અને લોકોને મદદ કરવા માટે પ્રોત્સાહિત કરે છે. લોકો ટ્વિટર પર તેને મેસેજ કરીને મદદ માંગે છે અને સોનુ એ લોકોને રિપ્લાય કરીને તેમની મદદ કરવાનું આશ્વાસન આપે છે.