મદદ / IASની તૈયારી કરી રહેલાં સ્ટૂડન્ટ્સની મદદ માટે સોનુ સૂદે કર્યું આ મોટું કામ, જાણીને તેના પર થશે ગર્વ

• સોનુએ ફરી મદદ માટે કર્યું આ નેક કામ
• માતાની 13મી પુણ્યતિથિ પર લીધી પ્રતિજ્ઞા
• સોનુએ સોશિયલ મીડિયા દ્વારા ફેન્સને આ વિશે જણાવ્યું

સોનુ સૂદે કહ્યું કે- 13 ઓક્ટોબરે મારી માતાના અવસાનને 13 વર્ષ પૂરા થયા છે. અવસાન પછી તેઓ શિક્ષણનો વારસો છોડીને ગયા. આજે તેમની પુણ્યતિથિ નિમિત્તે હું આ પ્રતિજ્ઞા લઉ છું કે હું પ્રોફેસર સરોજ સૂદ સ્કોલરશિપ અંતર્ગત IAS બનવા માટે લોકોને તેમના લક્ષ્યો હાંસલ કરવામાં મદદ કરીશ.

October 13; 13 years since My Mother passed. She left behind a legacy of Education. On her anniversary today, I pledge to support IAS aspirants reach their goals thru Prof Saroj Sood Scholarships. Seeking blessings 🙏 Miss you maa. @Scholifyme pic.twitter.com/vxcIYte7NZ

— sonu sood (@SonuSood) October 13, 2020

હકીકતમાં અગાઉ પણ સોનુ સૂદે એક યુનિવર્સિટી સાથે જોડાઈને ગરીબ બાળકોને તેમના અભ્યાસમાં મદદ કરવાની જવાબદારી લીધી હતી. હવે તેણે માતાની 13મી પુણ્યતિથિએ નવી પ્રતિજ્ઞા લીધી છે.  સોનુને તેની પ્રેરણા તેની માતા પાસેથી મળી છે જે બાળકોને કોઈપણ ફી વગર ભણાવતા હતા.

સોનુ સૂદ બની ગયો રિયલ હીરો 

સોનુ સૂદ તેની આસપાસની બાબતો ધ્યાનથી જુએ છે. જ્યારં તેને ટેલેન્ટ દેખાય છે અને લાગે છે કે બસ એક દિશા આપવાની જરૂર છે ત્યાં સોનુ તરત જ મદદ માટે આગળ આવી જાય છે. તેની આ જ ખાસ વાત તેને લોકોથી ખૂબ પ્રેમ અને આદર અપાવી રહી છે અને તેને એક રિયલ હીરોનું બિરુદ આપ્યું છે.