રાજપાલ યાદવને 6 મહિનાની જેલ તુરંત મળ્યા જામીન

બોલીવુડ એક્ટર રાજપાલ યાદવને દિલ્હીની કડકડડુમા કોર્ટે ચેક બાઉન્સ મામલે 6 મહિનાની જેલની સજા સંભળાવી છે અને તેમાં રાજપાલને 1.6 કરોડ રૂપિયાનો દંડ પણ ભરવો પડશે. તમને જણાવી દઇએ કે રાજપાલ યાદવ અને એમની પત્ની રાધા રાજપાલ યાદવ અને એમની કંપનીની વિરૂદ્ધ ચેક બાઉન્સનાં સાત મામલાઓમાં આજે નિર્ણય સંભળાવવામાં આવ્યો છે.

તમને જણાવી દઇએ કે 15 એપ્રિલનાં રોજ થયેલી સુનાવણીમાં કડકડડુમા કોર્ટનાં અતિરિક્ત મુખ્ય ન્યાયાધીશ અમિત અરોડાએ ફિલ્મ બનાવવાનાં નામ પર 5 કરોડ રૂપિયાની છેતરપિંડી કરવા મામલે તેઓને શુક્રવારનાં રોજ દોષી જાહેર કરી દીધાં. સોમવારે આ જ મામલામાં સુનાવણી પણ થઇ હતી. જેમાં કોર્ટે તેઓને રાહત ના આપતા 6 મહિનાની જેલની સજા સંભળાવી હતી.
 

Rajpal Yadav cheque bounce case: Delhi's Karkardooma Court sentenced actor Rajpal Yadav to 6 months in prison later granted bail. There were 7 cases against the actor & has to pay Rs 1.60 cr fine per case. pic.twitter.com/vaWY6m2msy

— ANI (@ANI) April 23 2018

આ કેસમાં ન્યાયાધિશ એસ. મુરલીધરે આ કેસની તમામ ઘટનાઓને 'આઘાતજનક’ ગણાવી હતી. તેઓએ કહ્યું હતું કે "અગાઉ પણ અદાલતની અવમાનના બદલ દોષિત ઠરેલા રાજપાલ યાદવ અને તેમની પત્નીએ સજાનાં પ્રમાણ અંગે તેમનો પક્ષ રજૂ કરવા કોર્ટમાં હાજરી આપવાનું ટાળ્યું હતું.

ન્યાયાધિશે વધુમાં એમ પણ ઉમેર્યું હતું કે અદાલતના અનાદર બદલ સજા હળવી કરવાનો પ્રયત્ન કરવાના બદલે યાદવ દંપતિએ કોર્ટને ગેરમાર્ગે દોરીને તથા અદાલતના આદેશનો ભંગ કરીને વધુ ગંભીર ગૂનો કર્યો છે. જો કે મહત્વની બાબત એ છે કે કોર્ટે સજા સંભળાવવાની સાથે-સાથે તેઓને જામીન પણ આપી દીધાં છે.