મહામારી / ગુજરાતી ફિલ્મોના પ્રખ્યાત એક્ટર કોરોના પોઝિટિવ, પત્ની અને ભાઈ પણ સંક્રમિત

• પ્રતિક ગાંધીની સાથે પત્ની અને ભાઈને પણ થયો કોરોના 
• સોશ્યલ મીડિયા પર આપી જાણકારી 
• પ્રતિક અને પત્ની ઘર પર જ જ્યારે ભાઈ હોસ્પિટલમાં લઇ રહ્યા છે સારવાર 

કોરોના વાયરસ એક બાદ એક વિવિધ હસ્તીઓને પોતાની ઝપેટમાં લઇ રહ્યું છે. એવામાં ગુજરાતી ફિલ્મોનાં પ્રખ્યાત એક્ટર પ્રતિક ગાંધીને પણ કોરોના વાયરસ થયો છે. પ્રતિકની સાથે તેમની પત્ની અને ભાઈ પણ કોરોનાથી સંક્રમિત થયા છે. જેની જાણકારી તેમણે સોશ્યલ મીડિયા પર આપી હતી. 

We as a family took "Be positive" way to seriously and didn't discriminate against even corona . Me & my wife are being treated at home and my brother is hospitalised, we are all putting up a strong fight against the virus. With Warmth , support and prayers of friends and family.

— Pratik Gandhi (@pratikg80) July 19, 2020

પ્રતિક ગાંધીએ પોતાના ઈન્સ્ટાગ્રામ એકાઉન્ટ પર સ્ટોરી શેર કરીને પોતે કોરોના પોઝિટિવ થયાની જાણકારી આપી. તેમણે કહ્યું કે કોરોના સામે પણ અમે અલગ થયા નથી. હું અને મારી પત્ની ઘર પર જ સારવાર લઇ રહ્યા છે અને મારો ભાઈ હોસ્પિટલમાં દાખલ છે. તેમણે આગળ વધુમાં લખ્યું છે કે ફ્રેન્ડસ અને ફેમિલીના સાથ અને હૂંફથી અમે કોરોના સામે લડાઈ લડી રહ્યા છે. 

નોંધનીય છે કે પ્રતિક ગાંધી કોરોના સામે જાગૃતિ ફેલાવવામાં પણ આગળ હતા. લોકોને માસ્કનું મહત્વ સમજાવવા માટેના અમદાવાદ મ્યુનિસિપલ કૉર્પોરેશનના વીડિયોમાં પ્રતિક ગાંધી લોકોને માસ્ક પહેરવા અપીલ કરતા દેખાઈ રહ્યા છે.     

નોંધનીય છે કે મનોરંજન જગતમાં ઘણા બધા કલાકારો કોરોના વાયરસની ઝપેટમાં આવ્યા છે. અમિતાભ બચ્ચન અને તેમના પુત્ર-પુત્રવધુ તથા પૌત્રીને પણ કોરોના વાયરસ થયો છે અને તે સારવાર હેઠળ છે. ગુજરાતી કલાકાર પ્રતિક ગાંધીના કોરોના સંક્રમણના સમાચાર સાંભળીને ઘણા બધા ચાહકોએ તેમના સ્વાસ્થ્ય લાભ માટે પ્રાર્થનાઓ કરી હતી.