બોલિવૂડ / 'રામાયણ'માં દીપિકા પાદુકોણ બનશે સીતા, રીતિક બનશે રાવણ અને રામની ભૂમિકા ભજવશે આ સુપરસ્ટાર

• રામાયણ પર અત્યાર સુધી ઘણી ફિલ્મો બની ગઈ છે
• નિર્માતા મધુ મેંટાના રામાયણ પર મોટી ફિલ્મ બનાવી રહ્યાં છે
• આ ફિલ્મનું બજેટ 300 કરોડ રૂપિયા રાખ્યું છે

રામાયણ પર અત્યાર સુધી ઘણી ફિલ્મો બની ગઈ છે. દરેકમાં નવા નવા અંદાજમાં ભગવાન રામની સ્ટોરી દેખાળવામાં આવે છે. ત્યારે હવે નિર્માતા મધુ મેંટાના રામાયણ પર મોટી ફિલ્મ બનાવી રહ્યાં છે. મીડિયા રિપોર્ટ અનુસાર મધુ મેંટાનાએ આ ફિલ્મનું બજેટ 300 કરોડ રૂપિયા રાખ્યું છે. ફિલ્મમાં ઋતિક રોશન રાવણની ભૂમિકા નિભાવી રહ્યો છે. ત્યારે દીપિકા પાદુકોણને મેકર્સે સીતાના રોલ માટે સાઈન કરી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Mahesh Babu (@urstrulymahesh)

રામાયણમાં રામનો રોલ નિભાવશે આ સુપરસ્ટાર

એક વેબસાઈટ પર પ્રકાશિત માહિતી મુજબ રામાયણમાં ભગવાન રામના રોલની વાત કરીએ તો તેના માટે મેકર્સ સાઉથ સુપરસ્ટાર મહેશ બાબુ સાથે વાત કરી છે. બોલિવૂડ હંગામાની એક રિપોર્ટમાં દાવો કરવામાં આવ્યો છે કે, મહેશ બાબુએ મધુ મેંટાનાને લીલી ઝંડી દેખાળી દીધી છે. ફિલ્મ સાથે જોડાયેલા સૂત્રોનું કહેવું છે, જ્યારે ઓમ રાઉતે આદિપુરૂષની જાહેરાત કરી ત્યારે મધુ મેંટાનાને ઝટકો લાગ્યો હતો કારણ કે તેઓ ઘણાં સમયથી રામાયણ પર આધારિત ફિલ્મનું પ્લાનિંગ કરી રહ્યાં હતા. તેમણે તાત્કાલિક તેમના ફાઇનાન્સર્સ સાથે વાત કરી. આ ફિલ્મ માટે ઋતિક રોશન અને દીપિકા પાદુકોણ તૈયાર છે અને હવે મધુએ સાઉથના મોટા સુપરસ્ટાર મહેશ બાબુ સાથે પણ વાત કરી છે.

મહેશ બાબુને સ્ક્રિપ્ટ પસંદ આવી 

મધુએ મહેશ બાબુને રામાયણની સ્ટોરી જણાવી છે અને તેમને સ્ક્રિપ્ટ ઘણી પસંદ આવી છે. મધુને લાગે છે કે મહેશ બાબુના ફેસમાં તે માસૂમિયત છે, જે ભગવાન રામના રોલ માટે જોઇએ. મહેશ બાબુએ ફિલ્મને લીલી ઝંડી આપી છે. ઋતિક, મહેશ અને દીપિકાને સાથે લાવવામાં એક ટેલેન્ટ મેનેજમેન્ટ કંપનીએ ઘણી મદદ કરી છે. જેમણે આ ત્રણેય કલાકારોને રામાયણ માટે તૈયાર કર્યા છે. મધુ મેંટાના રામાયણની સત્તાવાર જાહેરાત ક્યારે કરે છે, તે જોવાનું રહ્યું.

3D માં હશે ફિલ્મ

તણને જણાવી દઇએ કે, રામાયણ મધુ મેંટાનાનો ડ્રિમ પ્રોજેક્ટ છે. આ ફિલ્મને તેઓ આ બેનર હેઠળ બનાવવા માંગે છે. મધુ મેંટાના રામાયણને 3D માં દર્શકો સામે રજૂ કરશે. તેનું બજેટ લગભગ 300 કરોડ રૂપિયા છે. સૂત્રએ આ પણ કહ્યું છે કે, મધુ મેંટાનાએ કેટલાક રિસર્ચ સ્કોલર્સને રામાયણ પર રિસર્ચ કરવા માટે કહ્યું છે. તેમનું કહેવું છે કે, આ કરવાથી ફિલ્મની સ્ક્રીપ્ટ તૈયાર કરવામાં મદદ મળશે. સાથે જ આ પણ જણાવ્યું કે, મધુ મેંટાના રામાયણને બે ભાગમાં રિલીઝ કરવાનું વિચારી રહ્યાં છે.