IPLIN
 

બોલિવૂડ / બોલિવૂડના આ દિગ્ગજ એક્ટરના રેસ્ટોરન્ટ પર લાગ્યું તાળું, કારણ જાણી ચોંકી જશો

Team VTV 05:20 PM, 11 Mar 20
Follow us
Actor Dharmendra restaurant He Man sealed over illegal construction charges

બોલિવૂડના લેજેન્ડ કહેવાતા એક્ટર ધર્મેન્દ્ર હાલ તેમના રેસ્ટોરન્ટને લઈને ચર્ચામાં છે. આ વર્ષે જ વેલેન્ટાઈન્સ ડેના દિવસે તેમણે હરિયાણાના કરનાલ હાઈવે પર એક 'He Man' રેસ્ટોરન્ટ ખોલી હતી. હવે એવા સમાચાર આવી રહ્યાં છે કે, ધર્મેન્દ્રના આ રેસ્ટોરન્ટને સીલ કરી દેવામાં આવ્યું છે. રિપોર્ટ્સ મુજબ, રેસ્ટોરન્ટને ગેરકાયદેસર બાંધકામને કારણે સીલ કરી દેવામાં આવ્યું છે.

  • બોલિવૂડ એક્ટર ધર્મેન્દ્રને લાગ્યો ઝટકો
  • તેમનું રેસ્ટોરન્ટ થયું સીલ
  • ધર્મેન્દ્ર હરિયાણાના કરનાલ હાઈવે પર રેસ્ટોરન્ટ ખોલ્યુ હતું

સમાચારોની માનીએ તો રેસ્ટોરન્ટ પર મ્યુનિસિપલ કોર્પોરેશને કાર્યવાહી કરી છે. મ્યુનિસિપલ કોર્પોરેશનો અધિકારી રેસ્ટોરન્સ પહોંચ્યો અને ત્યાં તેણે હાજર તમામ સ્ટાફ્સ અને ગ્રાહકોને બહાર જવાનું કહી દીધું. ત્યારબાદ તેણે રેસ્ટોરન્ટની બહાર એક નોટિસ પણ લગાડી દીધી. 

ધર્મેન્દ્રની રેસ્ટોરન્ટમાં આ કાર્યવાહી અંગે વાત કરતાં મ્યુનિસિપલ કોર્પોરેશનના ડેપ્યુટી કમિશનર નિશાંતકુમાર યાદવે કહ્યું છે કે, ગેરકાયદેસર બાંધકામને લીધે અમે ઘણાં મકાન માલિકોને ગયા વર્ષે નોટિસ મોકલી હતી, પરંતુ કોઈ જવાબ મળ્યો નથી તેથી અમે હવે આ કાર્યવાહી કરી છે .

તમને જણાવી દઈએ કે, ધર્મેન્દ્રએ ખુદ આ રેસ્ટોરન્ટનું ઉદ્ઘાટન કર્યું હતું. ધર્મેન્દ્રએ ટ્વિટર પર રેસ્ટોરન્ટની ઘોષણા કરી હતી. ધર્મેન્દ્રએ કહ્યું હતું, 'પ્રિય મિત્રો, મારા રેસ્ટોરન્ટ 'ગરમ ધરમ ધાબા'ની સફળતા પછી હવે અન્ય એક રેસ્ટોરન્ટ હી મેનની શરૂઆત કરી છે.

ધર્મેન્દ્ર લાંબા સમયથી ફિલ્મોથી દૂર છે. તે આજકાલ પોતાના ફાર્મ હાઉસમાં રહીને ખેતી કરે છે. તે છેલ્લે ફિલ્મ યમલા પાગલા દીવાના ફિર સેમાં જોવા મળ્યા હતા. આ ફિલ્મમાં તેમના બંને દિકરા સની દેઓલ અને બોબી દેઓલ પણ હતા. ધર્મેન્દ્રએ સની દેઓલના પુત્ર કરણ દેઓલને બોલિવૂડમાં લોન્ચ કરવા માટે 'પલ પલ દિલ કે પાસ' નામની ફિલ્મ પણ પ્રોડ્યૂસ કરી હતી. આ ફિલ્મનું દિગ્દર્શન સન્ની દેઓલે પોતે કર્યું હતું પરંતુ આ ફિલ્મ દર્શકોનું દિલ જીતવામાં નિષ્ફળ ગઈ હતી.

Bollywood illegal construction charges sealed restaurant He Man actor Dharmendra
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ