આપણે બધા સારી રીતે વાકેફ છીએ કે બોલિવુડનો 'સિંઘમ' અજય દેવગન એક શિવભક્ત છે અને તેના શરીર પર પર શિવજીનુ ટેટૂ પણ છે.
તાજેતરમાં એક્ટર અજય દેવગન પોતાની અપકમિંગ ફિલ્મ 'ભૂજ: ધ પ્રાઇડ ઇન્ડિયા'ની શૂટિંગ માંડવીમાં કરી રહ્યો છે, ત્યારે સોશ્યલ મીડિયા પર તેની કેટલીક ફોટોઝ વાયરલ થઇ રહી છે જેણે કારણે તે ટ્રોલ થઇ રહ્યો છે. વાસ્તવમાં વાયરલ થયેલી ફોટોઝમાં અજય બ્લૂ ટી શર્ટ અને શોર્ટ્સમાં જોવા મળી રહ્યો છે, જે પછી સોશ્યલ મીડિયા યૂઝર્સ તેના કપડાને લઇને ટીકા કરવા લાગ્યા અને યૂઝર્સ અજય દેવગનને સલાહ આપી રહ્યા છે કે શોર્ટ્સ જેવા કપડા પહેરીને મંદિરમાં ના જવુ જોઇએ.
વાસ્તવમાં અજય માંડવીમાં આવેલા શ્રી નાગનાથ મહાદેવના દર્શને પહોંચ્યો હતો, જ્યાંથી તેની ફોટો સામે આવી હતી, જેમાં તે શિવલિંગની સામે હાથ જોડીને બેસેલો જોવા મળ્યો. તેવામાં તેના કપડાને લઇને તેને ટ્રોલ કરી રહ્યા છે. આમ તો મંદિરોમાં કપડા પહેરવાને લઇને કોઇ નિયમ હોતો નથી પરંતુ કેટલાક મંદિરમાં જિન્સ અને ટી શર્ટ પહેરવાની મનાઇ હોય છે, સાથે જ આવા કપડા પહેરીને આવનારને મંદિરમાં પ્રવેશ પણ મળતો નથી.
એક ઑનલાઇન પોર્ટલ અનુસાર, ''રજાનો દિવસ હતો ્ને અજય રિલેક્સ કરી રહ્યો હતો. નિયમને લઇને મંદિર જતા પહેલા તેણે આ વિશે પૂછપરછ કરી હતી. જ્યારે કોઇ પૂજા કરે છે ત્યારે તેનું વ્યકિગત અને અંગત કામ હોય છે. અજય સારો વ્યકિત છે. તે સોશ્યલ મીડિયા અને ધાર્મિકતાને લઇને સજાગ જ રહે છે. મંદિરમાં દર્શન કર્યા પછી તેણે માંડવીના કેટલાક પ્રતિષ્ઠિત લોકો સાથે મુલાકાત પણ કરી હતી.''
ઉલ્લેખનીય છે કે, 'ભૂજ: ધ પ્રાઇડ ઇન્ડિયા'ની વાર્તા 1971માં થયેલા ભારત પાક યુદ્ઘ પર આધારિત છે. જેમાં અજય દેવગન સેનના જવાન વિજય કર્ણિકના રોલમાં છે. વિજય 1971માં ભૂજ એરપોર્ટના ઇનચાર્જ હતા. ભૂજમાં વિજય કર્ણિકે સ્થાનિક મહિલાઓની મદદથી ઈન્ડિયન એરફોર્સની એરસ્ટ્રિપને ઠીક કરી દીધી હતી.