પાકિસ્તાનની આબરૂની નીલામી માત્ર પાકિસ્તાનમાં જ નહીં પરંતુ છેક યુનોના હેડક્વાર્ટરના પટાંગણમાં પણ થઈ ગઈ છે. ગત શુક્રવારે ઈમરાન ખાન જ્યારે ન્યૂયોર્કના યૂનો હેડક્વાર્ટરમાં પાકિસ્તાનની વર્તમાન સ્થિતિ માટે અનેક દેશોને જવાબદાર ઠેરવતું ભાષણ આપી રહ્યા હતા.
ત્યારે રાષ્ટ્રસંઘના કાર્યાલયની બહાર જ પાકિસ્તાનની માનવાધિકારી કાર્યકર્તા ગુલાલાઈ ઈસ્માઈલ પાકિસ્તાનના આકાઓની નીતિઓને ઊઘાડી પાડી રહી હતી. પાકિસ્તાનની શક્તિશાળી અને દમનકારી સરકાર સામે એક અવાજ બનીને ઊભરી આવી છે તે આ મહિલાનું નામ છે ગુલાલાઈ ઈસ્માઈલ. માનવ અધિકાર કાર્યકર્તા ગુલાલાઈ ઈસ્માઈલ પાકિસ્તાનના અત્યાચારોથી પીડિતો માટે એક આશાનું કિરણ બનીને ઊભરી આવી છે. તે જેટલી સુંદર છે એટલી જ હોનાહાર છે અને હિંમતવાન પણ છે.
ન્યૂયોર્કમાં યૂએન સમક્ષ જ્યારે પાકિસ્તાનના વડાપ્રધાન ઈમરાન ખાન ભાષણ આપી રહ્યા હતા ત્યારે ગુલાલાઈ ઈસ્માઈલ યૂનોના હેડક્વાર્ટર સામેની સડકો પર પાકિસ્તાનના લઘુમતીઓ સામે થઈ રહેલા અત્યાચાર વિરુદ્ધ અવાજ ઉઠાવી રહી હતી. પાકિસ્તાનની પશ્તૂની કોમમાંથી આવતી ગુલાલાઈ ઈસ્માઈલને અમેરિકામાં પોતાનો અવાજ ઉઠાવવાનો મોકો મળી જ ગયો.
જ્યારે ઈમરાન ખાન ઉદ્ધોન્માદી ભાષણ આપી રહ્યા હતા ત્યારે તેણે ગુલાલાઈ મજાહિરો, પશ્તૂનો, બલૂચીઓ, સિંધીઓ અને અનેક લઘુમતીઓને એકઠા કરીને પાકિસ્તાન સામે વિરોધ પ્રદર્શન કરી રહી હતી. તે વખતે એકઠા થયેલા હજારો પ્રદર્શનકર્તાઓ હાથમાં બોર્ડ લઈને એક જ માગણી કરી રહ્યા હતા કે, હવે પાકિસ્તાનને હવે કોઈ રાષ્ટ્રએ મદદ કરવી નહી, બીજી માગણી એ હતી કે પાકિસ્તાની સેના હવે પાકિસ્તાનના રાજકારણથી દૂર રહે.
32 વર્ષીય માનવાધિકાર કાર્યકર્તા ગુલાલાઈ ઈસ્માઈલે પાકિસ્તાનમાં સુરક્ષદળો દ્વારા આચરવામાં આવતા અત્યાચાર અને બળત્કાર સામે મોરચો માંડયો હતો. તેણે સોશિયલ મીડિયા પર પણ પાકિસ્તાની સૈનિકોના અત્યાચાર વિરુદ્ધ અભિયાન છેડયું છે. તેણે પાકિસ્તાનમાં રહીને પશ્તૂન આંદોલનમાં પણ અનેક વાર ભાગ લીધો હતો. પરંતુ પાકિસ્તાની સરકારને આ ગમ્યું નથી.
મહિલાઓ પર થઈ રહેલા અત્યાચાર વિરુદ્ધ અભિયાન છેડવાના કારણે ગુલાલાઈ ઈસ્માઈલ પર પાકિસ્તાન સરકારે દેશદ્રોહનો આરોપ લગાવી દીધો છે.
પોતાના પર દેશદ્રોહનો આરોપ લાગ્યા બાદ તે પોતાનો જીવ બચાવવા માટે પાકિસ્તાનમાં છ મહિના સુધી છૂપાઈને રહી હતી. તે ઓગસ્ટ મહિનામાં મિત્રોની મદદથી પાકિસ્તાનથી ભાગીને શ્રીલંકા પહોંચી હતી. શ્રીલંકાથી તે અમરિકા આવી ગઈ છે. હાલ તે ન્યૂયોર્કના બ્રુકલીનમાં પોતાની બહેન સાથે રહે છે અને અહી તેણે રાજકીય આશ્રય માગ્યો છે. જો કે તેણે અમેરિકામાં આવીને પણ પાકિસ્તાની સેના દ્વારા ખૈબર પખ્તૂનખ્વા પ્રાંતમાં આચરવામાં આવતી તાનાશાહી સામે લડાઈ ચાલુ રાખી છે.
મહિલાઓ પર થઈ રહેલા અત્યાચાર વિરુદ્ધ અભિયાન છેડવાના કારણે ગુલાલાઈ ઈસ્માઈલ પર પાકિસ્તાન સરકારે દેશદ્રોહનો આરોપ લગાવી દીધો છે. પોતાના પર દેશદ્રોહનો આરોપ લાગ્યા બાદ ઈસ્માઇલ જીવ બચાવવા માટે છ મહિના સુધી પાકિસ્તાનમાં છૂપાઈને રહી હતી. ઓગસ્ટ મહિનામાં મિત્રોની મદદથી પાકિસ્તાનથી ભાગીને શ્રીલંકા પહોંચી હતી. શ્રીલંકાથી તે અમરિકા આવી ગઈ છે. ઈસ્માઈલ ન્યૂયોર્કના બ્રુકલીનમાં પોતાની બહેન સાથે રહે છે. અમેરિકામાં તેણે રાજકીય આશ્રય માગ્યો છે.
ગુલાલાઈ ઈસ્માઈલ હાલ અમેરિકામાં રહીને પોતાના વતનની લઘુમતી પ્રજા માટે ન્યાયની લડત લડી રહી છે. પરંતુ તેને પાકિસ્તામાં પખ્તૂનખ્વા પ્રાંતમાં રહેતા તેના પરિવારની સુરક્ષાની પણ ચિંતા સતાવી રહી છે. જો કે તેમ છતાં તે અમેરિકાની ધરતી પરતી પોતાની લડાઈ ચાલુ રાખવા માંગે છે.