નવેમ્બર મહિનામાં ગયા વર્ષે મે મહિના કરતાં પણ કેસની સંખ્યા ઓછી જોવા મળી હતી. કોરોનાના 3.1 લાખથી ઓછા કેસ સાથે નવેમ્બરમાં સતત છઠ્ઠી વખત ઘટાડો નોંધાયો છે.
મે 2020 પછી સૌથી ઓછા કેસ નોંધાયા
નવેમ્બર 2021માં કોરોનાના કેસમાં ઘટાડો
30 જાન્યુઆરી 2020ના રોજ નોંધાયો પ્રથમ કેસ
આ છે કોરોના અપડેટ્સ
6 મેના રોજ દૈનિક કેસની સંખ્યા ટોચ પર પહોંચી ગઇ હતી. દેશમાં 24 કલાકમાં 4,14,188 કોરોનાના કેસ નોંધાયા હતા. 547 દિવસ બાદ સક્રિય કેસની સંખ્યા 1 લાખ કરતાં નીચે નોંધાઇ હતી.
નવા કોરોના વાયરસ કેની સંખ્યામાં દૈનિક વધારો સતત 54 દિવસથી 20 હજાર કરતાં પણ ઓછો રહ્યો છે. હવે સતત 156 દિવસથી રોજ 50000થી પણ ઓછા નવા કેસ નોંધાયા છે.
દેશમાં કોરોના વાયરસનો પહેલો કેસ 30 જાન્યુઆરી 2020ના રોજ કેરળમાં નોંધાયો હતો.
ભારતમાં કોરોના કેસનો આંકડો 7 ઓગસ્ટ 2020 ના રોજ 20 લાખ, 23 ઓગસ્ટે 30 લાખ, 5 સપ્ટેમ્બરે 40 લાખ અને 16 સપ્ટેમ્બરે 50 લાખને વટાવી ગયો હતો.
28 સપ્ટેમ્બરે 60 લાખ, 11 ઓક્ટોબરે 70 લાખ, 29 ઓક્ટોબરે 80 લાખ, 20 નવેમ્બરે 90 લાખ અને 19 ડિસેમ્બર 2020ના રોજ એક કરોડને પાર કેસની સંખ્યા થઇ હતી.
આ વર્ષે 4 મેના રોજ 2 કરોડ કોરોના વાયરસ કેસ અને 23 જૂને 3 કરોડના આંકડાને પાર કર્યો હતો.
ગત 547 દિવસોમાં એટલે કે દોઢ વર્ષમાં સૌથી ઓછા એક્ટિવ કેસ
દુનિયાભરમાં તોડાઈ રહેલા કોરોનાના નવા વેરિએન્ટ ઓમિક્રોનના સંકટની વચ્ચે દેશમાં મોટી રાહત મળી છે. ભારતમાં કોરોના સંક્રમણના એક્ટિવ કેસોની સંખ્યા 1 લાખની નીચે એટલે કે 99,023 થઈ ગઈ છે. આ આંકડો ગત 547 દિવસોમાં એટલે કે દોઢ વર્ષમાં સૌથી ઓછો છે. ગત એક દિવસમાં દેશમાં કુલ 8954 નવા કેસ મળ્યા છે. જ્યારે 10,207 લોકો આનાથી રિકવર થયા છે. એટલું જ નહીં રિકવરી રેટ ઝડપથી વધતા 98.36 ટકા થઈ ગયો છે. જે ગત વર્ષમાં માર્ચ બાદ અત્યાર સુધીના નિચલા સ્તરે છે. એક્ટિવ કેસોને ટકાવારીના હિસામે જોઈએ તો આ આંકડો ફક્ત 0.29 ટકા રહી ગયો છે. જે ઘણો ઓછો છે.
દેશમાં 124.10 કરોડ કોરોના રસી ચલાવી ચૂક્યા છે
એક્સપર્ટના જણાવ્યાનુસાર કોરોના સંક્રમણને પહોંચી વળવા માટે વેક્સીનેશનથી મદદદ મળી છે. દેશમાં 124.10 કરોડ કોરોના રસી ચલાવી ચૂક્યા છે અને આ અભિયાન ઝડપથી આગળ વધી રહ્યું છે. તેવામાં આશા વ્યક્ત કરવામાં આવી રહી છે કે કોરોના વાયરસથી આવનારા દિવસોમાં રાહત મળશે. જો કે દ. આફ્રિકાથી એક વાર ફરી ખતરાનો અણસાર દુનિયાને મળ્યો છે. પહેલી વાર જોવા મળ્યું કે ઓમિક્રોન વેરિએન્ટ ઝડપથી ફેલનારું સંક્રમણ છે અને આને ચિંતા વધારી છે. ઈઝરાઈલ, જાપાન જેવા અનેક દેશોએ પોતાની બોર્ડર સીલ કરી છે અને આંતરરાષ્ટ્રીય પ્રવાસી પર પ્રતિબંધ લગાવ્યો છે.