મહેસાણામાં એક્ટિવા ચાલકે સ્ટેરિંગ પરથી કાબૂ ગુમાવ્યો
કાબૂ ગુમાવતા એક્ટિવા સાથે ચાલક દુકાનમાં ઘૂસ્યો
અકસ્માતના CCTV આવ્યા સામે
મહેસાણામાં અકસ્માતનો એવો બનાવ સામે આવે છે જોઈ તમે કહેશો કે એક્ટીવા ચાલક બચ્યો હશે કે નહીં. ચાલક પાર્ક કરવા એક્ટીવા રોડ પરના પાર્કિગમાં ધુસાડે છે ત્યાં અચાનક વધુ રેસ અપાઈ જતાં સ્ટેરિંગ પરથી કાબૂ ગુમાવી દે છે અને પછી જે થાય છે જોઈ લો આ વીડિયો
મહેસાણાના મંગલમૂર્તિ કોમ્પલેક્ષની આ ઘટનામાં હચમચાવી મૂકે તેવી છે. પાર્કિગ કરવા જતાં ચાલક અવળા હાથે એક્સિલેટર આપી દે છે જેથી એક્ટીવા ડિવાઈડર કુદી પૂરપાટ ઝડપે આગળ જાય છે અને સામે આવેલા ભોંયરામાં એક્ટીવા સહિત ચાલક પડી જાય છે. ઘટનામાં એક્ટીવા સવાર છેક સુધી સ્ટેરિંગ છોડતો નથી જેથી તે પણ એક્ટિવ સાથે નીચે પડે છે. ભોંયરામાં દુકાન હોવાથી કાચ અને ફર્નિચરને નુકસાન થયું છે. તો એક્ટીવા પણ ઉપરથી નીચે પટકાતા મોટું નુકસાન થયું હતું. સદનસીબે ચાલકને સામાન્ય ઈજાઓ પહોંચી છે. હાલ અકસ્માતના CCTV સામે આવતા સોશિયલ મીડિયામાં આ વીડીયો ખૂબ વાયરલ થઈ રહ્યો છે, યુઝર્સ અનેક કોમેન્ટ પણ કરી રહ્યા છે.