આ પહેલા પણ લલ્લુજી એન્ડ સન્સ વિવાદોમાં આવી હતી જ્યારે હવે કેવડીયામાં ગૌચર જમીન પર કંપનીએ ગેરકાયદે ટેન્ટ ઊભા કરી દેવા મામલે કંપની સામે કાર્યવાહી થઈ છે.
કેવડીયામાં લલ્લુજી એન્ડ સન્સના ટેન્ટ હટાવાયા
લલ્લુજી એન્ડ સન્સે કેવડીયામાં ગૌચરની જમીનમાં ગેરકાયદે ઉભા કર્યા હતા ટેન્ટ
દબાણ મામલે ગરુડેશ્વર મામલતદારે ફટકારી હતી નોટિસ
લલ્લુજી એન્ડ સન્સના ગેરકાયદે ઉભા કરાયેલ દબાણ હટાવાયા
કેવડીયા ખાતે પ્રવાસન ઉદ્યોગને પ્રોત્સાહન આપવા માટે ગુજરાત સરકાર દ્વારા ધૂમ ખર્ચો કરવામાં આવી રહ્યો છે. સરદાર પટેલના સ્ટેચ્યૂની આસપાસ એવી સુવિધાઓ ઊભી કરવામાં આવી રહી છે જેથી પ્રવાસીઓ આકર્ષાય, એમાંય ટેન્ટ સિટી પ્રવાસીઓમાં ખૂબ વખણાય છે ત્યારે લલ્લુજી એન્ડ સન્સ કંપની દ્વારા ઊભા કરી દેવામાં આવેલા ટેન્ટ સામે તંત્ર દ્વારા કાર્યવાહી કરવામાં આવી છે.
ગેરકાયદે પાર્કિંગ,સ્વીમીંગ પુલ અને બાંધકામ હટાવવામાં આવ્યું
આ પહેલા પણ લલ્લુજી એન્ડ સન્સ વિવાદોમાં આવી હતી ત્યારે કેવડીયામાં ગૌચર જમીન પર કંપનીએ ગેરકાયદે ટેન્ટ ઊભા કરી દીધા હતા જેના પર મામલતદારે નોટિસ ફટકારી હતી. નર્મદાના કેવડિયા કોલોની ખાતે લલ્લુજી એન્ડ સન્સના ગેરકાયદે ઉભા કરાયેલા ટેન્ટ હટાવાની કામગરી તંત્ર દ્વારા કરવામાં આવી હતી. લલ્લુજી એન્ડ સન્સે કેવડીયામાં ગૌચરની જમીનમાં ગેરકાયદે ટેન્ટ ઉભા કરતા ગરુડેશ્વર મામલતદારે લલ્લુજી એન્ડ સન્સને નોટિસ ફટકારી ગેરકાયદે બાંધકામને તાત્કાલીક દૂર કરવા માટે જણાવ્યું હતું. નોટિસને પગલે તંત્ર દ્વારા ગેરકાયદે પાર્કિંગ,સ્વીમીંગ પુલ અને બાંધકામને હટાવવાની કામગીરી કરવામાં આવી હતી.
ગૌચરની જમીન પર ગેરકાયદે બાધકામ કરતા તેડું
નોંધનીય છે કે કાર્યવાહી પહેલા લલ્લુજી & સન્સ કંપનીને મામલતદારે તેડું પાઠવ્યું હતું. ગૌચરની જમીન પર ગેરકાયદે બાંધકામ કરતા તેડું આવ્યુ છે. ખાલવાણી ગામની ગૌચર જમીન પર બાંધકામ કરવામાં આવ્યું હતું આ બાંધકામ દુર કરવા ગરૂડેશ્વર મામલતદારે નોટીસ ફટકારી હતી.
ટેન્ટ સીટી-1ના માલિકો તથા વહીવટકર્તાઓ સામે શરૂ કરી કાર્યવાહી
આટલું જ નહીં અગાઉ વનવિભાગે પણ હાજર રહેવા સમન્સ પાઠવ્યું હતું. ટેન્ટ સીટી-1ના માલિકો તથા વહીવટકર્તાઓ સામે કાર્યવાહી શરૂ કરી દીધી છે. જેમાં 29મેના રોજ મામલતદાર ગરૂડેશ્વર સમક્ષ હાજર થવા ફરમાન કરવામાં આવ્યુ હતું.