Science / એસિડ પીડિતાઓને પહેલાં જેવી સુંદરતા મળી શકશે, 3D પ્રિન્ટ વડે નવા "અંગો" ઈમ્પ્લાન્ટ કરી શકાશે

ચંડીગઢના સેક્ટર-૩૧ સ્થિત સેન્ટ્રલ સાયન્ટિફિક ઇન્સ્ટ્રુમેન્ટ્સ ઓર્ગેનાઇઝેશન (સીએસઆઇઓ) અને સીએસઆઇઆરની લેબમાં ખાસ એક્સિડેન્ટલ પેશન્ટ માટે થ્રીડી પ્રિન્ટેડ પેશન્ટ સ્પેસિફિક મેડિકલ ઇમ્પ્લાન્ટ ટેક્નિક વિકસાવાઇ છે, તેનાથી આ દુર્ઘટનામાં ઘાયલ લોકોનાં ખરાબ અંગોને ફરી વખત વિશેષ ટેક્નિકથી પહેલાં જેવાં બનાવીને ઇમ્પ્લાન્ટ કરી શકાશે.

સીએસઆઇઓ દ્વારા તૈયાર કરાયેલી ટેક્નિકમાં એક્સિડન્ટ પીડિતો માટે ઉપરની ‌સ્કિન નહીં, પરંતુ તેના બેઝને પણ બદલી શકાશે. જો ચહેરાનો એક ભાગ તૂટી ગયો હોય તો બીજા હિસ્સાને પણ પહેલાં જેવો બનાવી દેવાશે. સીએસઆઇઓના સિનિયર સાયન્ટિસ્ટ ડો. વિજયકુમાર મીના દ્વારા વિકસાવેલી આ ટેક્નિકથી ઇલાજમાં વિદેશ કરતાં ત્રણ ગણો ઓછો ખર્ચ આવશે. 

પીજીઆઇ સહિત અન્ય મેડિકલ ઇન્સ્ટિટ્યૂટમાં આ ટેક્નિકનો સફળ પ્રયોગ થઇ રહ્યો છે. ડો. સેનીએ જણાવ્યું કે દેશમાં હજારો લોકો અકસ્માતના કારણે પોતાના શરીરનાં કેટલાંક અંગ ગુમાવી દે છે. આ ટેક્નિકથી તેઓ પહેલાં જેવો આત્મવિશ્વાસ પાછો લાવી શકશે અને પહેલાં જેવી જિંદગી જીવી શકશે.