ભ્રષ્ટાચાર / અમદાવાદના CETPના પ્લાન્ટમાં પૈસા લઇ અધિકારીઓ કરી રહ્યા છે આ સૌથી મોટું કૌભાંડ

• પૈસા લઈ CETPના હોદ્દેદારો કરી રહ્યા છે પ્રકૃતિ સાથે ચેડા
• અમદાવાદના નારોલમાં થઈ રહ્યું છે સૌથી મોટું કૌભાંડ 
• CETPના પ્લાન્ટમાં ઠલવાઈ રહ્યા છે એસિડના ટેન્કરો

અમદાવાદના નારોલ વિસ્તારમાં આવેલ CETPનું કામ પ્રદૂષિત પાણીની ટ્રીટ કરવાનું છે. પરંતુ આના માટે CETPના મેમ્બર હોવું જરૂરી છે. કેટલીક કંપનીઓ મેમ્બરશિપ વીના જ સેટિંગ કરીને પાણીનો ગેરકાયદે નિકાલ કરી રહી છે. જેના કારણે પર્યાવરણને મોટા પાયે નુકસાન પહોંચી રહ્યું છે. કૌભાંડમાં બીજુ કોઈ નહીં પરંતુ CETPના હોદ્દેદારો અને ડાયરેક્ટરનો જ સંડોવાયેલા છે. તેઓ માટે પાયે રૂપિયા લેવાની લાલચમાં કુદરતના આપેલા અમૂલ્ય ખજાનાને લૂંટાવી રહ્યા છે.

નારોલના CETPનું મુખ્ય કામ શું છે?

કોમન એફ્લ્યુઅન્ટ ટ્રીટમેન્ટ પ્લાન્ટ એટલે CETP. એસ્ટેટના યુનિટો જે પ્રદુષિત પાણી છોડે તેને ટ્રીટ કરવાનું કામ CETPનું છે. મેમ્બર સિવાયની કંપનીઓના એસિડ સીધા CETPમાં ઠલવાય છે. જેટલી મંજૂરી હોય તેના કરતા વધારે પાણી પણ કંપનીઓ છોડે છે. મંજૂરી ના હોય તેવી કંપનીઓ પણ પોતાનું કેમિકલ ઠાલવવા CETPનો સંપર્ક કરે છે. પ્રદુષિત કેમિકલ, પાણી, અને અન્ય પ્રવાહી કેમિકલો પણ અહી ઠલવાય છે. ગેરકાયદેસર ટ્રીટ કરીને CETP પ્રદુષણ વધારે છે. પાણીના નિકાલ માટે કંપનીઓ CETPને રૂપિયા આપે છે. વધારાના કેમિકલના નિકાલ માટે લાંચ સ્વરૂપે વધારે જથ્થો ઠલવાય છે. વધારે જથ્થો ઠાલવવા માટે CETPના કેટલાક ડાયરેક્ટરોએ લાંચ લીધી છે. CETP એક સમૂહ કંપનીઓનો પ્લાન્ટ છે. CETPમાં વિવિધ કંપનીઓમાંથી બોર્ડ ઓફ ડિરેક્ટર નિમાય છે. બોર્ડના કેટલાક ડિરેક્ટરો અને હોદ્દેદારો કેમિકલના નિકાલ માટે રૂપિયાનો વહીવટ કરે છે. ડાયરેક્ટરો કેમિકલ, પ્રવાહી કચરો, અને અન્ય પાણીના નિકાલ માટે રૂપિયાથી ખિસ્સા ભરે છે.

પૈસા માટે પ્રકૃતિ જોડે ખિલવાડ?

ત્યારે કેટલાક સવાલો થાય છે કે શું પૈસા માટે અધિકારીઓ ગમે તે કરી શકે? CETPના પ્લાનમાં કેમ ઠલવાઈ રહ્યા છે એસિડના ટેન્કરો? જે કંપનીને મંજૂરી નથી તે છતાં કેમ છોડાઈ રહ્યું છે કેમિકલયુક્ત પાણી? CETPના અધિકારીઓ સામે કોઈ કાર્યવાહી ન થઈ શકે? શું કંપનીના ઉપરના લેવલ સુધી ચાલી રહ્યા છે સેટિંગ? શું આવી રીતે ગેરકાયદે કામ માટે થઈ છે CETPની રચના?