અમદાવાદના ઘાટલોડિયા વિસ્તારમાં એસિડ એટેકનો એક ચોંકાવનારો કિસ્સો સામે આવ્યો છે. જેમાં બાઈક સવાર શખ્સોએ મહિલાના મોંઢા પર એસિડ છાંટી ફરાર થઈ ગયા છે.
અમદાવાદના ઘાટલોડિયામાં એસિડ અટેકની ઘટના
બાઈક પર આવેલા શખ્સોએ મહિલા પર એસિડ ફેંક્યું
મહિલાને સારવાર માટે સોલા સિવિલ હોસ્પિટલ ખસેડાઈ
અમદાવાદના ઘાટલોડિયાની ઘટના
આ અંગે પોલીસ સુત્રોના જણાવ્યા અનુસાર ગત રોજ અમદાવાદના ઘાટલોડિયા ટેલિફોન એક્સેન્જ નજીક એક મહિલા પસાર થઈ રહી હતી. તે દરમિયાન બાઈક પર આવેલા શખ્સોએ એસિડ એટેક કર્યો હતો. ત્યારબાદ બાઈક પર સવાર શખ્સો ત્યાંથી ફરાર થઈ ગયાં હતાં.
મહિલા પર ફેંક્યું એસિડ
ઉલ્લેખનીય છે કે, આ ઘટનામાં મહિલાને મોઢા પર ગંભીર ઈજા થતાં તેને સોલા સિવિલ હોસ્પિટલ ખાતે ખસેડવામાં આવી છે. હજુ સુધી આ મહિલા પર એસિડ એટેક કરવા પાછળનું ચોક્કસ કારણ જાણી શકાયું નથી. હાલ પોલીસે ગંભીર રીતે ઈજાગ્રસ્ત મહિલાનું નિવેદન લેવા સહિત વધુ કાર્યવાહી તપાસ હાથ ધરી છે.