દર્દનાક / અમદાવાદમાં હૃદય કંપાવનારી ઘટના : કૌટુંબિક ઝઘડામાં કાકાના દીકરાએ ભૂલકાંઓ પર કર્યો એસિડ એટેક

• અમદાવાદમાં એસિડ એટેકનો બનાવ
• માધુપુરા વિસ્તારમાં કૌટુબિંક ઝઘડામાં એસિડ એટેક
• કૌટુબિંક કાકાના દિકરાએ કર્યો હુમલો 

માધવપુરામાં મહેંદીકુવા વિસ્તારમાં આવેલી કંચનબેનની ચાલીમાં લક્ષ્મીબેન દંતાણી તેમના બે દીકરા અને ત્રણ દીકરીઓ સાથે રહે છે. લક્ષ્મીબેનએ મકાન છ વર્ષ પહેલાં તેમના કાકા સસરા મોહનભાઇ દંતાણી પાસેથી રૂ. ત્રણ લાખમાં ખરીદ્યું હતું. મકાન ખરીદી લીધું હોવા છતાં તેમના પુત્ર અજય અને વિજય આ મકાન ખાલી કરાવવા બાબતે ઝઘડો કરતા હતા.

વહેલી સવારે બની ગોઝારી ઘટના

મુંબઈથી લક્ષ્મીબેનના બહેન બનેવી આવ્યા હતા. તમામ લોકો ઘરમાં સુતા હતા ત્યારે અજય દંતાણી વહેલી સવારે પાંચ વાગ્યે આવ્યો હતો. મકાનની બારી ખુલ્લી હતી તેમાંથી બૂમ પાડી કહ્યું હતું કે મકાન કેમ ખાલી નથી કરતા તમે કેવી રીતે રહો છો. તેમ કહી હાથમાં રહેલો એસિડનો ડબ્બો ઉંચો કરી અંદર એસિડ ફેકયું હતું.

માસૂમ દીકરીઓ અને દીકરો દાઝી ગયા

લક્ષ્મીબેન, તેમની 5 અને 8 વર્ષની દીકરી તેમજ 10 વર્ષના દીકરા પર એસિડ ઉડયું હતું. તમામના ચહેરા પર એસિડ ઉડતા તેઓ દાઝી ગયા હતા. બે નાની છોકરીઓના ચહેરા પર એસિડ વધુ ઉડતા તેઓના ચહેરા ખરાબ થઈ ગયા હતા. તમામને સારવાર માટે સિવિલ હોસ્પિટલમાં દાખલ કરવામાં આવ્યા છે. માધવપુરા પોલીસે આ મામલે હત્યા પ્રયાસ સહિતનો ગુનો નોંધ્યો છે. જો કે હજી સુધી એકપણ આરોપીની પોલીસ ધરપકડ કરી શકી નથી.

અમદાવાદમાં એસિડ એટેક: માધુપુરા વિસ્તારમાં કૌટુબિંક ઝઘડામાં એસિડ એટેકની ઘટના, કાકાના દિકરાએ બે બાળકીઓ, એક બાળક સહિતના ચહેરા પર એસિડ ફેંક્યો#Ahmedabad #Gujarat @AhmedabadPolice #crime

— VTV Gujarati News and Beyond (@VtvGujarati) December 12, 2020