કર્તવ્યનિષ્ઠા / ગુજરાત પોલીસની વધુ એક ગૌરવ સિદ્ધિ, i3C ને નેશનલ ઇ-ગર્વનન્સ ગોલ્ડ એવોર્ડ પ્રાપ્ત, CMએ પાઠવ્યા અભિનંદન

• ગુજરાત પોલીસના નામે વધુ એક ગૌરવ સિદ્ધિ ઉમેરાઈ
• જમ્મુ ખાતે 25મી નેશનલ કોન્ફરન્સ ઓન ઇ ગર્વનન્સમાં ગુજરાત પોલીસને અપાયો એવોર્ડ
• મુખ્યમંત્રી ભુપેન્દ્ર પટેલે ગૃહ વિભાગને આપ્યા અભિનંદન 

ગુજરાત પોલીસના નામે વધુ એક ગૌરવ સિદ્ધિ ઉમેરાઈ છે. જેમાં જમ્મુ ખાતે યોજાયેલી રપમી નેશનલ કોન્ફરન્સ ઓન ઇ ગર્વનન્સમાં ગુજરાત પોલીસ દળને નેશનલ એવોર્ડ ફોર ઇ ગર્વનન્સ સ્કીમ ર૦ર૧ રર અન્વયે એકસલન્સ ઇન એડોપ્ટીંગ ઇમર્જીંગ ટેક્નોલોજીસ કેટેગરીમાં એવોર્ડથી સન્માનિત કરવામાં આવ્યું છે. 

"ગુજરાત પોલીસ માટે ગૌરવપૂર્ણ ક્ષણ"

માન.મુખ્યમંત્રી શ્રી @Bhupendrapbjp જી ના સક્ષમ નેતૃત્વ હેઠળ રાજ્યની ત્રિનેત્ર-ઇન્ટીગ્રેટેડ કમાન્ડ એન્ડ કંટ્રોલ સેન્ટર (i3C)ને નેશનલ ઇ-ગવર્નન્સ ગોલ્ડ એવોર્ડ પ્રાપ્ત થયો છે.
જે બદલ સમગ્ર ટીમને અભિનંદન પાઠવું છું. pic.twitter.com/O3s6vE6KDd

— Harsh Sanghavi (@sanghaviharsh) December 22, 2022

મુખ્યમંત્રીએ ગૃહ વિભાગને અભિનંદન પાઠવ્યા

ગુજરાત પોલીસ દળના VISWAS પ્રોજેકટ અંતર્ગત કાર્યરત કરાયેલા ત્રિનેત્ર-ઇન્ટીગ્રેટેડ કમાન્ડ એન્ડ કંટ્રોલ સેન્ટર (i3C) ને ભારત સરકારના નેશનલ ઇ-ગર્વનન્સ ગોલ્ડ એવોર્ડનું ગૌરવ સન્માન મળ્યું છે. ત્યારે મુખ્યમંત્રી ભૂપેન્દ્ર પટેલને કેબિનેટ બેઠકમાં ગૃહ રાજ્યમંત્રી હર્ષ સંઘવીએ આ એવોર્ડ અર્પણ કર્યો હતો. અને મુખ્યમંત્રીએ ગૃહ વિભાગને અભિનંદન પાઠવ્યા હતા. 

‘નેત્રમ’ ને ગાંધીનગર સ્થિત ત્રિનેત્ર સાથે ઇન્ટિગ્રટ કરવામાં આવ્યા 

ઉલ્લેખીનીય છે કે વિશ્વાસ પ્રોજેક્ટ અંતર્ગત 34 જિલ્લાના મુખ્ય મથકો, 6-પવિત્ર યાત્રાધામો અને સ્ટેચ્યુ ઓફ યુનિટી, કેવડિયા મળી કુલ 41-શહેરોમાં ટ્રાફિક જંકશન, એન્ટ્રી-એક્ઝિટ પોઇન્ટ અને અન્ય સ્ટ્રેટેજિક સ્થળોએ 7000 વધુ CCTV કેમેરા લગાવી સંબંધિત જિલ્લાના “નેત્રમ” સાથે પોઇન્ટ ટુ પોઈન્ટ કનેક્ટિવિટીથી જોડવામાં આવ્યા છે અને તમામ જિલ્લાઓના ‘નેત્રમ’ ને ગાંધીનગર સ્થિત ત્રિનેત્ર સાથે ઇન્ટિગ્રટ કરવામાં આવ્યા છે. ઉપરાંત 684 પોલીસ સ્ટેશનો ખાતે સ્થાપિત કરેલ 10000 બોડી વોર્ન કેમેરા અને 15 ડ્રોન બેઇઝ્ડ કેમેરા સિસ્ટમને પણ ત્રિનેત્ર સાથે ઇન્ટીગ્રેટ કરવામાં આવેલા છે.

અગાઉ પણ મળ્યો હતો એવોર્ડ
ત્રિનેત્રને આ અગાઉ 2022માં પોલીસ એન્ડ સેફ્ટી કેટેગરીમાં સ્કોચ ગોલ્ડ એવોર્ડ, 2021માં પ્રોજેક્ટ ઓફ ધ ઇયર કેટેગરીમાં પ્રોજેક્ટ મેનેજમેન્ટ ઇન્સ્ટીટયુટ યુ.એસ.એનો રનર અપ એવોર્ડ તેમજ 2021માં જ સેઇફ સિટી કેટેગરીનો સ્માર્ટ સિટીઝ ઇન્ડીયા એવોર્ડ પ્રાપ્ત થયેલો છે. આ ઉપરાંત 2020માં ડિઝીટલ ટ્રાન્સફોર્મેશન એવોર્ડ કેટેગરીમાં ગર્વનન્સ નાઉ ઇન્ડીયા પોલીસ એવોર્ડ અને 2019માં સ્કોચ ગોલ્ડ એવોર્ડ પણ ગુજરાત પોલીસને ત્રિનેત્ર માટે મળેલા છે.