Saturday, August 17, 2019
સબસ્ક્રાઈબ કરો VTVGujarati ન્યુઝ Whatsapp

માનવતા / પોલીસનું આ રૂપ નહીં જોયું હોય, આરોપીના દીકરાની કરે છે પોતાના દીકરાની જેમ સારસંભાળ

પોલીસનું આ રૂપ નહીં જોયું હોય, આરોપીના દીકરાની કરે છે પોતાના દીકરાની જેમ સારસંભાળ

લોકોના મનમાં હંમેશા પોલીસની નકારાત્મક છાપ હોય છે પરંતુ વડોદરા પોલીસ છેલ્લા ઘણાં દિવસોથી એવા એવા કામો કરી રહી છે જેને લોકોના મનમાંથી નકારાત્મક છાપ ભુંસી નાખી છે. વડોદરા પોલીસે એક હત્યારા પતિના બાળક માટે એવું કામ કર્યુ જેને લઈ ચારેય તરફ પ્રશંસા થઈ રહી છે.

વડોદરા પાણી ગેટ વિસ્તારમાં પોલીસે પત્નીની હત્યા કરનાર એક શખ્સની ધરપકડ કરી હતી. આરોપીની ધરપકડ થતા આઠ વર્ષીય દિકરો ભાવેશ નિરાધાર થયો હતો. માતાનું મોત અને પિતા જેલમાં જતા દીકરાએ છત્રછાયા ગુમાવી હતી. જેની જાણ થતા ઝોન-3ના ACP એસ.જી.પાટીલ ભાવેશને કચેરીએ લઈને પહોંચ્યા હતા. હાલમાં પાણીગેટ પોલીસ મથકનો સ્ટાફ બાળકની જવાબદારી ઉઠાવી રહ્યો છે. ACP પાટીલે તેને શાળાએ આવવા જવા માટે વાહનની વ્યવસ્થા પણ કરી આપી છે. માતા ગુમાવનાર બાળકની મહિલા પોલીસ માતા બનશે જ્યારે બાકીનો સ્ટાફ તેને જરૂરી તમામ મદદ કરશે.

પતિએ પત્નીની હત્યા કરી હોવાની કબુલાત

વડોદરાના ગાજરાવાડીમાં રહેતા સગર્ભા કંકુ દેવીપુજકની હત્યા તેના જ પતિ ભરત દેવીપૂજકે 18 માસ પહેલા કરી હતી. 18 માસ પહેલા પોલીસને મૃતક કંકુની હત્યા કરાયેલી લાશ મળી હતી પરંતુ તે વખતે હત્યારાનો પતો પોલીસ લગાવી શકી ન હતી. બાદમાં 18 માસ બાદ પોલીસને મૃતક કંકુબેનનો વિસેરા રિપોર્ટ મળ્યો. જેમાં કંકુબેનની હત્યા થયા હોવાનો ખુલાસો થયો હતો. જેના કારણે પોલીસે કંકુબેનના પતિની કડકાઈથી પૂછપરછ કરતા તેને હત્યા કરી હોવાની કબુલાત કરી હતી.  

પોલીસે તેના પિતાની ભુમિકા નિભાવી

હત્યારા ભરત દેવીપૂજકનો ધોરણ 8માં ભણતો ભાવેશ નામનો બાળક છે જેને માતા અને પિતા બંનેનો છત્રછાયા ગુમાવ્યા બાદ પોલીસ તેના પિતાની ભુમિકા નિભાવી રહી છે. ભાવેશને પોલીસે પોલીસ સ્ટેશનમાં જ એક રૂમમાં રાખ્યો છે. પોલીસ ભાવેશને ભણાવી રહી છે સાથે જ તેને સ્કુલે લઈ જઈ રહી છે. તેમજ તેના ખાવા પીવાનો ખર્ચ પણ ઉઠાવી રહી છે. પોલીસ સ્ટેશનમાં જ ભાવેશ માટે પલંગની વ્યવસ્થા પણ કરી છે. પોલીસ જ્યાં સુધી બાળકને તેમના સાથે રહેવુ હશે ત્યા સુધી રાખશે બાદમાં કોઈ સામાજિક સંસ્થાને સોપી દેશે.

છેલ્લી વાર પુત્ર ભાવેશને તેના હાથેથી સફરજન ખવડાવ્યું

આરોપી ભરતને હવે પોતાની પત્નીની હત્યા કર્યાનો અફસોસ છે. ભરત કહે છે કે પતિ પત્નીના બોલાચાલીમાં તેને તેની સગર્ભા પત્નીનુ ગળુ દબાવી હત્યા કરી નાખી હતી. હાલમાં તેનો પુત્ર પોલીસની છત્રછાયામાં છે તો તે ખુશ છે અને તેનો પુત્ર પોલીસ બને તેવી તે ઈચ્છા વ્યક્ત કરી રહ્યો છે. ભરત પોલીસ સ્ટેશનમાં તેના બાળકને મળ્યો અને છેલ્લી વાર પુત્ર ભાવેશને તેના હાથેથી સફરજન ખવડાવ્યું. સાથે જ ભાવેશે પણ તેના પિતાને વહાલ કર્યુ. સામાન્ય રીતે પોલીસના નામથી લોકોને સુગ ચડે છે. જોકે વડોદરામાં પોલીસની આ કામગીરી હવે બદલાતા પોલીસ ફોર્સની નિશાની છે અને ઉપરી અધિકારીઓના પોઝિટિવ વિચારોના કારણે જોવા મળી રહ્યુ છે.

જોવા જેવું વધુ જુઓ

બ્રેકિંગ ન્યૂઝ