NCP લીડર હત્યા / હત્યારાઓ મરીનો સ્પ્રે લાવ્યાં હતા, આવો હતો પ્લાન, બાબા સિદ્દીકી મર્ડરમાં ખૌફનાક ખુલાસા

NCP નેતા બાબા સિદ્દીકીની મુંબઈમાં શનિવારે મોડી રાત્રે ગોળી મારીને હત્યા કરવામાં આવી હતી, હત્યાના એક દિવસ બાદ પોલીસ સૂત્રોએ ચોંકાવનારો ખુલાસો કર્યો હતો કે હાલમાં ફરાર થયેલા શિવ કુમારે સૌથી પહેલા બાબા સિદ્દીકી પર ફાયરિંગ કર્યું હતું ત્યાર બાદ બીજા આરોપીઓએ ગોળી ચલાવી હતી. ફાયરિંગ સમયે ચારમાંથી ત્રણ આરોપીઓ હાજર હતા જ્યારે ચોથો આરોપી મોહમ્મદ જશિન અખ્તરે તેમને લોજિસ્ટિકલ સપોર્ટ પૂરો પાડ્યો હતો.

આંખમાં મરીનો પાઉડર નાખીને હતો હત્યાનો પ્લાન

આરોપીઓએ NCP નેતાની આંખમાં મરીનો સ્પ્રે છાંટીને હત્યા કરવાનો પ્લાન બનાવ્યો હતો. પોલીસે આ કેસમાં અત્યાર સુધીમાં બે આરોપીઓની ધરપકડ કરી છે. આરોપીઓ તેમની સાથે મરીનો સ્પ્રે લાવ્યા હતા પરંતુ મરીનો સ્પ્રે છાંટે તે પહેલા શિવાએ ગોળી ચલાવી દીધી હતી. કારણ કે સ્પ્રે ધરમરાજ કશ્યપ (બીજો આરોપી) પાસે હતો.

કેવી હતી બાબા સિદ્દીકીની સુરક્ષા

બાબા સિદ્દીકીને કોઈ ખાસ કેટેગરીની સુરક્ષા નહોતી, પરંતુ સુરક્ષા માટે ત્રણ કોન્સ્ટેબલ તેની સાથે રહેતા હતા. ગઈ કાલે ફાયરિંગ વખતે પણ 3 કોન્સ્ટેબલો તેમની સાથે હતા તેમ છતાં પણ તેઓ બાબાની રક્ષા કરી શક્યા નહોતા.

વધુ વાંચો : ભુજમાં પ્રેમીપંખીડાએ ભિખારીને સળગાવીને કર્યું આપઘાતનું નાટક, પકડાતાં કર્યાં ખોફનાક ખુલાસા

કેટલા છે આરોપીઓ

બાબા સિદ્દીકી હત્યાકાંડમાં 4 આરોપીઓ છે જેમાંથી પોલીસે ગુરમેલ સિંહ અને ધરમરાજ કશ્યપ નામના બે આરોપીઓની ધરપકડ કરી છે. શિવા કુમાર અને મોહમ્મદ જશિન અખ્તર નામના બે આરોપીઓ ફરાર છે અને તેમને પકડવા માટે મુંબઈ પોલીસે 10 ટીમો બનાવી છે. આરોપીઓ પાસેથી 2 પિસ્તોલ અને 28 કારતૂસ મળી આવ્યા છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ