પોલીસ વિભાગ / અક્ષય, સલમાન અને શાહરુખ ખાને ધમકી આપી ખંડણી માંગનારા રવિ પૂજારીને ગુજરાતમાં લવાશે

• કુખ્યાત ગેંગસ્ટર રવિ પૂજારીને લવાશે અમદાવાદ
• મોડી રાત્રે મહારાષ્ટ્રથી પૂજારીને અમદાવાદ લવાશે
• અમદાવાદ ક્રાઈમબ્રાંચે મેળવી છે પૂજારીની કસ્ટડી

અંડરવર્લ્ડના કુખ્યાત ગેંગસ્ટર રવિ પૂજારીને અમદાવાદ લાવવામાં આવશે. આજે મોડી રાત્રે મહારાષ્ટ્રથી રવિ પૂજારીને અમદાવાદ લાવવામાં આવશે. અમદાવાદ ક્રાઈમબ્રાંચે રવિ પૂજારીની કસ્ડટી લીધી છે. બોરસદ ખંડણી કેસમાં રવિ પૂજારીની કસ્ટડી મેળવવામાં આવી છે. રવિ પૂજારીને 21 જાન્યુઆરી 2019માં પશ્ચિમ આફ્રિકાથી ઝડપવામાં આવ્યો હતો. રવિ પૂજારી સેનેગલમાં એન્ટોની ફર્નાડિસના નામથી રહેતો હતો. તે સમયે કર્ણાટક પોલીસે રવિ પૂજારીની કસ્ટડી લીધી હતી.

જોકે ત્યાર બાદ મહારાષ્ટ્ર અને હવે અમદાવાદ ક્રાઈમબ્રાંચે રવિ પૂજારીની કસ્ટડી મેળવી છે. રવિ પૂજારી અંડરવર્લ્ડનો ડોન છે. અને ધમકી આપવી અને ખંડણી માગવાના અનેક ગુના નોંધાયેલા છે. રવિ પૂજારીએ એક સમયે દાઉદના ભાઈ છોટા રાજન પર પણ હુમલો કરાવ્યો હતો. બોલિવુડ સેલિબ્રિટીઓને પણ અનેકવાર ધમકી આપી ચૂક્યો છે. જેમાં વિવેક ઓબેરોય, અક્ષય કુમાર, સલમાન ખાન, શાહરુખ ખાન અને સિંગર અરજિતસિંહ પાસે પણ ખંડણી માગી હતી. આ ઉપરાંત અમદાવાદના બિલ્ડર પાસે 5 કરોડ માગ્યા હતા. આણંદના પ્રજ્ઞેશ પટેલ પર ફાયરિંગ કરાવ્યું હતું. ગોધરાના ધારાસભ્ય સી.કે. રાઉલજીને પણ ધમકી આપી હતી. અને અમૂલના MD આર.એસ. સોઢીને પણ ધમકી આપી ચૂક્યો છે.

ક્યાંથી ઝડપાયો હતો રવિ પૂજારી?

• કુખ્યાત ગેંગસ્ટર રવિ પૂજારીને પશ્ચિમ આફ્રિકાથી ઝડપ્યો હતો
• બેંગાલુરુ પોલીસે પશ્ચિમ આફ્રિકાથી રવિ પૂજારીને ઝડપ્યો હતો
• 21 જાન્યુઆરી, 2019માં રવિ પૂજારીની ધરપકડ કરાઈ હતી
• સેનેગલમાં એન્ટોની ફર્નાડિસના નામથી રહેતો હતો રવિ પૂજારી
• પૂજારી પાસે બુર્કિનો ફાસોનો પાસપોર્ટ પણ હતો
• સૌથી વધુ કેસ કર્ણાટકના હોવાથી રવિ પૂજારીની કસ્ટડી કર્ણાટક પોલીસે લીધી હતી