આરોપી રાજુ ભટ્ટ બધું સહમતી થયું હોવાનું પોલીસ પૂછપરછમાં જણાવી રહ્યો છે, આરોપી કાનજી મોકરિયાની રિમાન્ડ દરમિયાન સઘન પૂછપરછ થઈ રહી છે સમગ્ર કેસમાં ચોંકાવનારા ખુલાસા સામે આવ્યા છે.
વડોદરામાં હાઇપ્રોફાઇલ દુષ્કર્મ કેસ
આરોપી રાજુ ભટ્ટની પોલીસ સમક્ષ કબૂલાત
રાજુ ભટ્ટના કોર્ટે 3 દિવસના રિમાન્ડ કર્યા મંજૂર
વડોદરાના ચકચારી દુષ્કર્મ કેસના મુખ્ય આરોપી રાજુ ભટ્ટને આજે ગોત્રી હોસ્પિટલમાં મેડિકલ તપાસ માટે લઈજવાયો હતો,આરોપી રાજુ ભટ્ટ બધું સહમતી થયું હોવાનું પોલીસ પૂછપરછમાં જણાવી રહ્યો છે, આરોપી કાનજી મોકરિયાની રિમાન્ડ દરમિયાન સઘન પૂછપરછ થઈ રહી છે, મહત્વનું છે કે હવે આ કેસની તપાસમાં FSLની પણ મદદ લેવાઈ રહી છે. ત્યારે દુષ્કર્મ કેસ વધુ ચોંકાવનાર ખુલાસા સામે આવી શકે છે.
આરોપી રાજુ ભટ્ટના કોર્ટે 3 દિવસના રિમાન્ડ કર્યા મંજૂર
આજે આરોપી રાજુ ભટ્ટને આજે કોર્ટમાં રજૂ કરવ્યો અને રિમાન્ડની માગણી કરવામાં આવી છે જેમાં કોર્ટે આરોપીના 3 દિવસના એટલે 3 ઓક્ટોબર બપોરે 1 વાગ્યા સુધીના રિમાન્ડ મંજૂર કર્યા છે. પોલીસે આરોપીના 14 દિવસના રિમાન્ડની માગ કરી હતી પરતું કોર્ટે 3 દિવસના રિમાન્ડ મંજૂર કર્યા છે.
હાઇપ્રોફાઇલ દુષ્કર્મ કેસ મામલો
હરિયાણાની યુવતી સાથે અશોક જૈન અને રાજુ ભટ્ટ સામે દુષ્કર્મ આચર્યુ હોવાનો આરોપ છે ત્યારે સમગ્ર મામલે રાજુ ભટ્ટની ધરપકડ કરવામાં આવી છે. અને તેન વિરુદ્ધ પુરાવાઓ એકત્ર કરવાની કામગીરી હાથ ધરવામાં આવી રહી છે. મહત્વનું છે કે 20મી સપ્ટેમ્બરે પીડિત યુવતીએ ફરિયાદ નોંધાવી જેમાં અશોક જૈન અને પાવાગઢના પૂર્વ ટ્રસ્ટી રાજુ ભટ્ટ સામે વડોદરાના ગોત્રી પોલીસ સ્ટેશનમાં ફરિયાદ નોંધાવી હતી. આ ફરિયાદમાં મુખ્ય આરોપી અશોક જૈન હજુ સુધી પોલીસ પકડથી દૂર છે જ્યારે 28મી તારીખે આરોપી રાજુ ભટ્ટ ક્રાઇમ બ્રાંચના સંયુક્ત ઓપરેશનમાં પાર પાડી ઝડપી લીધો છે.
આરોપી રાજુ ભટ્ટે કરી પોલીસ સમક્ષ કબૂલાત
આ કેસમાં રાજુ ભટ્ટની પૂછપરછમાં મોટા ખુલાસાઓ સામે આવ્યા છે જેમાં આરોપી રાજુ ભટ્ટે પોલીસ સમક્ષ કબૂલાત કરતા જણાવ્યું છે કે રાજુ ભટ્ટ પીડિતાને ડવડેક એપાર્ટમેન્ટમાં લઇ ગયો હતો અને કાનજી મોકરિયાએ રાજુ ભટ્ટને ભગાડવામાં મદદ કરી હતી તો બીજી તરફ એ પણ સામે આવ્યું છે કે કાનજી મોકરિયાએ વડોદરાની હાર્મની હોટેલમાં રાજુ ભટ્ટ માટે વ્યવસ્થા કરી હતી સાથે કાનજી મોકરિયાએ પીડિતાને 3 લાખ રૂપિયા દયા ભાવનાથી આપ્યા હોવાનો પણ ખુલાસો સામે આવ્યો છે.
પીડિત યુવતી હોટલમાં 20 દિવસ રોકાઈ
મહત્વનું છે કે પીડિત યુવતી કાનજી મોકરિયાની હોટલમાં 20 દિવસ રોકાઈ હતી. અહીં સમગ્ર મામલે યુવતીની ફરિયાદ નોંધાતા હવે તપાસનો ધમધામટ શરૂ કરવામાં આવ્યો છે જેમાં વડોદરાની ક્રાઇમ બ્રાંચ સાથે આ કેસમાં હવે FSL પણ તપાસ કરી રહી છે, સાથે જ અશોક જૈનના પરિવારની સતત પૂછપરછ થઇ રહી છે અને પીડિતાની પણ પોલીસ દ્વારા પૂછ પરછ કરવામાં આવી રહી છે, એટલું જ નહીં આ કેસ સાથે જોડાયેલા બુટલેગર અપ્પુ સિંધી પણ ફરાર છે. ત્યારે આ હાઈપ્રોફાઈલ કેસમાં હજુ પણ કેટલાક નવા વળાંક આવે તેવું મનાઈ રહ્યું છે. અહીં ઉલ્લેખનિય છે કે આ કેસમાં પોલીસની 6 ટીમ તપાસ કામગીરી કરી રહી છે અને ભિનું સંકેલવાનો પ્રયાસ કરી રહી છે.
ધર્મેન્દ્રસિંહ વાઘેલાના પેટ્રોલપંપ પર કાવતરું ઘડાયું
હાઈપ્રોફાઈલ દુષ્કર્મ કેસમાં કાનજી મોકરિયાની પોલીસ પૂછપરછમાં એવો ખુલાસો સામે આવ્યો છે કે આરોપી રાજુ ભટ્ટને ભગાડવાનું આ કાવતરું રણોલીમાં રાજકીય અગ્રણી ધર્મેન્દ્રસિંહ વાઘેલાના પેટ્રોલપંપ પર ઘડાયું હતું જેમાં રાજુ ભટ્ટ, કાનજી મોકરિયાની પેટ્રોલપંપ પર મિટિંગ થઈ જેમાં ધર્મેન્દ્રસિંહ વાઘેલા પાછળથી જોડાયા હતા તો ધર્મેન્દ્રસિંહ વાઘેલાએ મામલાની પતાવટ કરવા મયંક બ્રહ્મભટ્ટને કહ્યું હતું ત્યારે આ કેસમાં ધર્મેન્દ્રસિંહ વાઘેલાનો કોઈ રોલ છે કે નહી તે દિશામાં પણ પોલીસે તપાસ હાથ ધરી છે.