પાટણમાં યુવતી પર દુષ્કર્મ મામલે આરોપી પંકજ વેલાણીએ Video કર્યો વાયરલ

પાટણઃ શહેરમાં યુવતી પર સામૂહિક દુષ્કર્મ મામલે દુષ્કર્મના આરોપી પંકજ વેલાણીએ પોતાનો વીડિયો શેર કરી વાયરલ કર્યો છે. પંકજ વેલાણીએ વીડિયો જણાવ્યું કે તેમના પર લાગેલા તમામ આરોપો ખોટા છે અને ખોટી રીતે તેમને ફસાવવામાં આવ્યા છે.

પાટણના ધારાસભ્ય કિરીટ પટેલ પર આક્ષેપ કરતા કહ્યું કે કિરીટ પટેલે તેમના પર ખોટી ફરિયાદ કરાવી છે. જેના પગલે પંકજ વેલાણીએ પણ ક્રોસ ફરિયાદ દાખલ કરી છે. સાથો સાથ આ ફરિયાદની CBI તપાસની પણ માંગ પંકજ વેલાણીએ કરી છે. ઉપરાંત પોતાનો નાર્કો ટેસ્ટ કરવામાં આવે એવી પણ માગ કરી છે.

ઉલ્લેખનીય છે કે મોતીસા વિસ્તારમાં કારમાં દુષ્કર્મ આચર્યાની યુવતીએ ફરિયાદ નોંધાવી હતી. જેમાં પંકજ વેલાણી અને એક શખ્સ વિરૂદ્ધ ફરિયાદ નોંધાઇ હતી. પોલીસ ફરિયાદ નોંધાતા તપાસ હાથ ધરાઇ હતી. ત્યારે આ મામલે આરોપી પંકજ વેલાણીએ પોતાના વીડિયો શેર કરી વાયરલ કર્યો હતો.