આરોપી દિપક શંખલપરાનો મોબાઈલ ક્રાઇમ બ્રાંચે જપ્ત કરતાં 13 જેટલા ચાઈલ્ડ પોર્નગ્રાફી વીડિયો પણ મળી આવ્યા
ચાઈલ્ડ પોર્ન ફોરવર્ડ કરનારની ધરપકડ
વેબસાઈટ પરથી ડાઉનલોડ કરી ફોરવર્ડ કરતો હતો
આઈપી એડ્રેસ હાથ લાગતા જ કાર્યવાહી
દેશમાં પ્રતિબધિત હોવા છતાં ચાઈલ્ડ પોર્નોગ્રાફીના વીડિયો ડાઉનલોડ કરી સોશિયલ મીડિયામાં અપલોડ કરનાર આરોપીની સાઇબર ક્રાઈમે ધરપકડ કરી છે...આરોપી વેપારી વેબસાઈટમાંથી પોર્નોગ્રાફી વીડિયો ડાઉનલોડ કરી ફેસબુકમાં મેસેજના માધ્યમથી શેયર કરતો હતો..સાયબર ક્રાઇમ બ્રાંચને વેપારી મોબાઇલમાંથી પોર્ન વીડિયો મળી આવતા તેની ધરપકડ કરી વધુ તપાસ શરૂ કરી છે.
કેવી રીતે ઝડપાયો?
પોલીસ કસ્ટડીમાં ઉભેલા આ આરોપીની નામ દિપક શંખલપરા છે.મૂળ અમદાવાદ ના જશોદાનગર વિસ્તારનો રહેવાસી છે.અને પ્લાસ્ટિક ડાઇ બનાવવાનો વ્યવસાય કરે છે.જે આરોપીની સાઇબર ક્રાઈમે ચાઈલ્ડ પોર્નોગ્રાફીના ગુનામાં ધરપકડ કરવામાં આવી છે. આરોપી પોતાના મોબાઈલ દ્વારા પ્રતિબંધિત વેબસાઈટ પરથી સગીરોના બીભત્સ વીડિયો ડાઉનલોડ કરતો.અને બાદમાં સોશિયલ મીડિયાના પ્લેટફોર્મ પર જેવા ફેસબુક માધ્યમથી પોર્ન વીડિયો શેર કરતો હતો. જે અંગે સીઆઇડી ક્રાઇમને આઇપી એડ્રેસ માહિતી મળતા સાયબર ક્રાઇમમાં આરોપી વિરુદ્ધ સરકાર તરફે ગુનો નોંધી ધરપકડ કરવામા આવી.
ડિલીટ કરેલા વીડિયોને પરત લાવવાની કામગીરી શરૂ
આરોપી વેપારી દિપક શંખલપરાનો મોબાઈલ ક્રાઇમ બ્રાંચે કબ્જે કરતા 13 જેટલા ચાઈલ્ડ પોર્નગ્રાફી વીડિયો પણ મળી આવ્યા છે.જોકે આરોપીએ કેટલાક વીડિયો ડાઉનલોડ કર્યા છે.જે મોબાઈલ રિકવર કરી આરોપીએ ડીલીટ કરેલા પોર્ન વીડિયો પણ પરત મેળવી કેટલા વ્યક્તિઓને આ વીડિયો મોકલવામાં આવ્યા છે તે અંગેની પણ તપાસ કરવામાં આવશે. આરોપી દિપક આઇટીનો અભ્યાસ કરેલો છે એટલું જ નહીં 19 વર્ષનો પુત્રનો પિતા પણ છે. છતાં પણ પ્રતિબંધિત વેબસાઈટ માંથી પોર્ન વિડીયો ડાઉનલોડ કરી સોશિયલ સાઈડ પર ફોરવર્ડ કરતો હતો...હાલ સાયબર ક્રાઇમ દ્વારા ગુનો નોંધી આરોપી વેપારી દીપકની વધુ પુછપરછ શરૂ કરી છે.